Turǵyn úı-kommýnaldyq sharýashylyǵy ulttyq jobasy ázirlenip jatyr – Oljas Bektenov

<p>ASTANA. KAZINFORM &ndash;Turǵyn úı-kommýnaldyq sharýashylyǵy týraly ulttyq jobaǵa 2029-2030 jyldary shamamen 10 trln teńge ınvestıtsııa tartylady dep kútilip otyr. Bul týraly Úkimet basshysy Oljas Bektenov málim etti.</p>

«Prezıdenttiń halyqqa Joldaýyndaǵy tapsyrmasy boıynsha qazir turǵyn úı-kommýnaldyq sharýashylyǵy júıesin jańǵyrtý jónindegi jańa ulttyq jobany ázirleýdiń sońǵy satysyndamyz. Ulttyq joba 2029-2030 jyldary shamamen 10 trln teńge ınvestıtsııa perspektıvasy kózdelip otyr», - dedi Oljas Bektenov Májilistiń jalpy otyrysynda 2025-2027 jyldarǵa arnalǵan respýblıkalyq bıýdjetti talqylaý barysynda. 

Premer-mınıstr málimdeýinshe, ulttyq joba aıasynda turǵyn úı-kommýnaldyq sharýashylyǵynyń ınjenerlik ınfraqurylymyn jańartý josparlanyp otyr. 

«Ulttyq jobada barlyq taýar, jabdyq jáne qyzmetti otandyq kásipkerlerden satyp alamyz. Bul maqsatqa jetý úshin kóp jumys kútip tur, biraq Prezıdenttiń tapsyrmasy sózsiz oryndalady», - dep tolyqtyrdy ol. 

Aıta ketsek, bıyl qyrkúıekte turǵyn-úı kommýnaldyq sharýashylyǵyn qarjylandyrý baǵdarlamasy ázirlendi.