Turǵyn úı kesheni kúzetshisiniń ólimi: tergeý qaıta bastaldy

<p>ALMATY. KAZINFORM &ndash; Almatydaǵy &laquo;Merkýr Taýers&raquo; turǵyn úı kesheniniń kúzetshisin kóligimen birneshe ret basyp óltirgen kúdiktige qatysty tergeý qaıta bastaldy.</p>

Almaty qalalyq polıtsııa departamentiniń málimetinshe, tergeý basqarmasy adam óltirý deregi boıynsha sotqa deıingi tergeý amaldaryn júrgizip jatyr.

«Buǵan deıin sotqa deıingi tergeý sot-psıhıatrııalyq saraptamaǵa baılanysty toqtatylǵan bolatyn. Qazir óndiris qaıta bastaldy.Qajetti saraptamalar taǵaıyndaldy.Tergeý aıaqtalǵannan keıin qylmystyq is materıaldary sotqa joldanady»,- dep habarlady vedomstvodan.

Buǵan deıin prokýratýra sot psıhologııalyq-psıhıatrııalyq saraptamasynyń qorytyndysy negizinde QR Qylmystyq is júrgizý kodeksiniń 511-baby 2-bóligi 2-tarmaǵyna sáıkes, kúdikti psıhıatrııalyq kómek kórsetetin arnaıy medıtsınalyq ortalyqqa jatqyzylǵanyn málimdegen edi.

Osyǵan baılanysty sotaldy tergep-tekserý merzimi QR QІJK-niń 45-baby, 7-bóligi, 4-tarmaǵy negizinde toqtatyldy.

Eske salaıyq, osy jyldyń naýryz aıynda «djıp» kóligin mingen júrgizýshi «Merkýr Taýn» elıtalyq turǵyn úı kesheniniń kúzetshisin birneshe ret basyp qana qoımaı, ony uryp-soqqan. Saldarynan er adam aýrýhanada kóz jumdy.