Turǵyn satyp alǵan tony unamaı qalǵan soń talap aryz jazyp, aqshasyn qaıtaryp aldy

<p>AQTAÝ. KAZINFORM &ndash; Mańǵystaý oblysynyń turǵynyna alǵan ton unamaǵan soń 600 000 teńge qaıtaryldy. Bul týraly Tutynýshylardyń quqyǵyn qorǵaý komıteti málimdedi.</p>

Bul oqıǵanyń oń sheshim tabýy tutynýshynyń Mańǵystaý oblysy boıynsha Saýda jáne tutynýshylardyń quqyqtaryn qorǵaý departamentine (STQQD) júginýiniń arqasynda múmkin boldy.

Osy jyldyń jeltoqsan aıynda áıel adam jergilikti dúkenderdiń birinen syrt kıim satyp alǵan. Alaıda satyp alǵannan keıin ol taýar óziniń kútkenine saı kelmeıtinin túsingen. Satýshy jaǵdaıdy sheshýge qulyqsyzdyq tanytqan soń, tutynýshy STQQD mamandarynan kómek suraýdy uıǵarady.

- Biz jaǵdaıdy jyldam qarap, tutynýshyǵa Qazaqstan Respýblıkasynyń «Tutynýshylardyń quqyqtaryn qorǵaý týraly» zańynyń 42-4-babyna sáıkes quqyqtaryn túsindirdi. Mamandarymyz quqyqtyq kómek kórsetti: tutynýshyǵa keńes berip, satýshyǵa joldanatyn talap aryzdy daıyndaýǵa kómektesti. Dúken zańda kórsetilgen merzim ishinde ótinishti qarastyryp, taýardyń tolyq qunyn qaıtardy, - deıdi departament basshysy Raýan Mýhaev.

Zańnamaǵa sáıkes, árbir tutynýshy óz quqyqtary buzylǵan jaǵdaıda satýshyǵa talap aryzben júginýge quqyly. Dúken ótinishti 10 kúntizbelik kún ishinde qarastyryp, jazbasha jaýap berýi tıis. Eger satýshy bas tartsa, tutynýshy STQQD sııaqty ýákiletti organǵa júginýine bolady.

Bul oqıǵa óz quqyqtaryn bilýdiń jáne der kezinde kómek suraýdyń qanshalyqty mańyzdy ekenin kórsetedi. Mańǵystaý oblysy boıynsha STQQD tutynýshylar arasyndaǵy daýlardy sheshýge belsendi túrde yqpal etip, azamattardyń múddelerin qorǵaıdy.

-  Eger siz osyndaı jaǵdaıǵa tap bolsańyz, departament mamandary sizge kómek kórsetýge daıyn. Siz keńes alý nemese shaǵym berý úshin 8 [phone], 43-01-17 telefondary arqyly habarlasa alasyz, - dep atap ótti STQQD basshysy R. Mýhaev.

Mańǵystaý oblysynda TJM qutqarýshylary 29 júk kóligin qar qursaýynan alyp shyqqanyn jazǵan bolatynbyz.