Turǵyn úı naryǵyndaǵy baǵa qalaı ózgerip jatyr
10:55, 09 Sáýir 2018
ASTANA. QazAqparat - Aǵymdaǵy jyldyń naýryzynda turǵyn úı naryǵyndaǵy baǵa birshama ózgeriske ushyrady, dep habarlaıdy QazAqparat.
QR Ulttyq ekonomıka mınıstrligi Statıstıka komıtetiniń málimetterine sáıkes, 2018 jylǵy naýryzda ótken aımen salystyrǵanda jańa turǵyn úılerdi satý baǵalary - 1, abattandyrylǵan turǵyn úılerdi alyp satý 0,6 paıyzǵa ósti, al abattandyrylmaǵan turǵyn úılerdi alyp satý 0,1 paıyzǵa tómendedi. Abattandyrylǵan turǵyn úıdi jalǵa alý tólemi 0,2 paıyzǵa joǵary boldy.
Naýryzda jańa turǵyn úılerdiń bir sharshy metri 263 098, abattandyrylǵan turǵyn úılerdi alyp satý barysyndaǵy 1 sharshy metr 185 836, al abattandyrylmaǵan turǵyn úılerdi alyp satýdyń sharshy metri 115 007 teńgeni qurady. Abattandyrylǵan turǵyn úıdi jalǵa alý tólemi 1 sharshy metrge 1 338 teńge boldy.