«Týrfırmalar negizsiz tekseriske narazy» - baspasózge sholý
«Egemen Qazaqstan» gazetiniń jazýynsha, jekeshelendirýdiń ekinshi tolqyny aıasynda memlekettik nysandar tek elektrondy saýda-sattyq arqyly ǵana satylatyn bolady. Osyǵan oraı keshe Qarjy mınıstrliginde Memlekettik múlik tiziliminiń veb-portalynda múlikti satý boıynsha elektrondy saýda-sattyqtardyń semınar-tusaýkeseri ótti.
Qarjy mınıstrliginiń Memlekettik múlik jáne jekeshelendirý komıtetiniń tóraǵasy Edýard Ótepovtiń málimdeýinshe, jekeshelendirýdiń ekinshi tolqyny aıasynda memlekettik múlik naqty sharttarmen satylady. Onyń aıtýynsha, qazirgi ýaqytta Qarjy mınıstrliginiń elektrondy saýda-sattyq alańynyń qyzmeti keńeıip keledi. Máselen, jekeshelendirýdiń ekinshi tolqynynyń nysandaryn satý úshin jekeshelendirý nysandaryn satý qaǵıdasyna elektrondy kommertsııalyq tender jáne konkýrs engizý bóligine ózgerister engizilgen. «Alańda tek memlekettik menshik qana emes holdıngter boıynsha da barlyq básekeles saýda-sattyqtardy ótkizý josparlanyp otyr. Elektrondy tender men konkýrsty engizý nysandardy naqty sharttarmen satý múmkindigin beredi», - dedi ol. Maqala «Jekeshelendirýde saýda-sattyq elektrondy bolady» degen taqyryppen berilgen.
«Sońǵy kúnderi ótken fýtboldan Chempıondar lıgasy men Eýropa lıgasy úshinshi raýndynyń qarymta matchtarynyń qorytyndysy boıynsha Qazaqstannyń osy saıystarǵa qatysqan úsh komandasynyń ekeýi kelesi pleı-off kezeńine ótkeni belgili boldy. Atap aıtqanda, «Astana» jáne «Aqtóbe» komandalary ilgeri jyljydy da, Qaraǵandynyń «Shahteri» jarys jolynan shyǵyp qaldy», - dep jazady «Egemen Qazaqstan» gazeti. Basylymnyń jazýynsha, keshe Eýropa lıgasynda pleı-off raýndynyń jerebesi tastaldy. Onyń qorytyndysy boıynsha «Astana» ıspannyń «Vılıarreal», al «Aqtóbe» polshalyq «Legııa» komandalarymen kezdesetin boldy. Matchtar 21 jáne 28 tamyz kúnderi ótedi.
«Qazaqstandyq týrızmdi reseılik týrkompanııalar kótermeıdi. Óıtkeni, soltústik kórshimizde osy sala quldyrap, álemdegi barlyq kýrorttyq aımaqtar Reseı Federatsııasynan keletin saıahatshylardyń sany kúrt tómendep ketkendigin jarııalaýda», dep jazady «Aıqyn» gazeti senblik sanyndaǵy «Týrfırmalar negizsiz tekseriske narazy» degen taqyryptaǵy maqalasynda. Basylymnyń jazýynsha, kórshimizde oryn alyp jatqan osy jaıttardan keıin elimizdiń Ulttyq kásipkerlik palatasy óziniń Týrıstik sala komıtetiniń hatshylyǵy arqyly sektorda keń aýqymdy saraptamalyq zertteý júrgizipti. Onyń nátıjesinde, týrıstik qyzmette birqatar problemalyq túıtkilder anyqtalýda. Suraý salý barysynda Qazaqstan týrfırmalary salyq organdary tarapynan sanktsııalanbaǵan tekseristerdiń júrip jatqandyǵyna jappaı shaǵymdanǵan eken. Týrfırma basshylary osy «revızorlyq saparlardyń» kópshiligi esh negizsiz bolǵanyn aıtqan: salyq komıteti qyzmetkerleri qandaı negizge súıenip, tekserip otyrǵandaryn túsindirmegen nemese «oıdan shyǵarylǵan» sebepterdi alǵa tartypty. «Taǵy bir qyzyǵy, UKP málimdeýinshe, tekseris is-sharalary úlken merekeler, ıaǵnı uzaq demalystar qarsańynda qyzady eken. Óz quqyqtaryn qorǵaýǵa tyrysqan týrfırma basshylary prokýratýraǵa shaǵymdar jazady. Biraq salyq organy Salyq kodeksiniń 632-babyna silteme jasap, jaýapkershilikten qutylyp ketetin kórinedi. Ol bapta salyqtyq tekserýdi júrgizýdiń jalpy negizderi ǵana berilgen», dep jazady basylym. Qazaqstan Reseıge qos azamattyq alý faktilerin joıý jóninde usynyspen shyqty. Bul usynys keshe Astanada elimizdiń Bas prokýrory Ashat Daýylbaev pen RF Bas prokýrorynyń orynbasary ıÝrıı Ponomarevtiń qatysýymen ótken, Qazaqstan-Reseı shekara mańy prokýratýralary basshylarynyń kezdesýinde jarııa etildi. Bul úshin eki memlekettiń kóshi-qon organdarynyń málimetter bazasyn ıntegratsııalaý talap etiletin kórinedi. Osy jaıt arqaý bolǵan maqala «Aıqyn» gazetiniń senbilik sanynda «Eki elden qatar nan jegen...» degen taqyryppen berildi. Basylymnyń jazýynsha, Qazaqstanda turǵyndarǵa biz¬diń kógildir tólqujatymyzdyń syrtynda, basqa eldiń pasportyn ıelenýge tyıym salynǵan. Reseı de jaqynda, Qyrymdy qosyp alǵannan keıin ile-shala «qos azamattyǵy» barlar úshin úlken aıyppul salatyn, tipti abaqtyǵa qamaıtyn zań qabyldady. Biraq soǵan qaramastan, ásirese, qazaq jerinde reseılik azamattyǵy da bar adamdar qatary kóbeımese, azaıar emes. «Eń soraqysy sol, Bas prokýratýranyń málimetinshe, quqyq qorǵaý organdary tipti ondaı adamdardyń memlekettik qyzmet atqaryp júrý faktilerin de áshkereleýde. Sonyń ishinde «jasyryn» Reseı azamattary bizdiń depýtattar arasynda da bar eken!», delingen maqalada.