Týrbıznes blokpostardyń alynýyn asyǵa kútip otyr - mınıstrlik
«Tótenshe jaǵdaı alynyp tastalǵannan keıin karantındik sharalarlardyń jeńildetile bastaǵanyna kýá boldyq. Kóptegen sala, onyń ishinde týrızm salasy da óz jumysyn birindep bastap jatyr. Óńirler arasynda áýe jáne temirjol qatynastary qaıta jandanýda. Degenmen, jumys úshin áli de tolyq múmkindik bermeıtin birqatar kedergi bar ekendigimen de kelisemin. Týrbıznes aıryqsha kútip otyrǵan jeńildik sharalarynyń biri - blokpostardyń alynýy. Bul problema taıaý ýaqytta óz sheshimin taýyp qalady. Ol úshin karantındik sharalardy bárimiz saqtaýǵa tıispiz», - dedi komıtet tóraǵasy Ortalyq kommýnıkatsııalar qyzmetindegi brıfıngte.
Onyń atap ótýinshe, Bas sanıtarlyq dárigerdiń №37 qaýlysyna sáıkes, týrıstik operatorlar men týrıstik agenttikterge eńbek ujymyndaǵy epıdemııaǵa qarsy rejım algorıtmderin saqtaı otyryp, jumys isteýine ruqsat berilgen. Sondaı-aq jekelegen óńirlerde qonaqúı qyzmetin kórsete berýge bolady.
«1 maýsymǵa qaraı shıpajaılar, demalys úıleri men týrıstik bazalar syndy týrızm nysandardyń jumys algorıtmi bekitiletini kózdelgen. Olardyń jumys erekshelikterine baılanysty aıryqsha sharttar qarastyrylady. Bul - basseınder, jaǵajaılar, oıyn-saýyq aımaqtary jumystaryna arnalǵan talaptar», - dedi Dastan Rysbekov.