Turan jolbarysyn jersindirý úshin Balqash jaǵalaýyna 60 qulan jiberildi

<p>SAMARQAN. KAZINFORM &ndash; Turan jolbarysy Qazaqstanǵa 2026 jylǵa qaraı oralýy múmkin. Bul týraly Samarqandta ótip jatqan jabaıy janýar túrlerin saqtaý konventsııasynyń kezekti otyrysy (COP 14) aıasynda BUU Damý baǵdarlamasynyń janýarlar dúnıesin basqarý jónindegi sarapshysy Aıman Omarbekova málim etti, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

«Turan jolbarysyn qaıta jersindirý boıynsha Qazaqstanda aýqymdy ister qolǵa alyndy. Máselen, el Úkimeti osy jyrtqyshqa arnalǵan ekojúıeni qalyptastyrý úshin BUU Damý baǵdarlamasymen granttyq kelisim jasady. Onyń aıasynda Turan jolbarysynyń qorektik bazasyn qurý bastaldy. Búginge deıin Altynemel ulttyq parkinen Іle-Balqash rezervatyna 60 qulan ákelindi. Sonymen qatar, Qara Baqanas arnasyn tazartý boıynsha jobalyq qujattama ázirlendi. Onyń nátıjesinde Turan jolbarysyna qajetti kólemde sý bolady dep josparlanǵan», — dedi Aıman Omarbekova Kazinform tilshisiniń saýalyna jaýap bere otyryp.

Fotoda Aıman Omarbekova. Túsirgen Álıhan Asqar/Kazinform

Onyń atap ótýinshe, Qazaqstan Úkimeti Dúnıejúzilik jabaıy tabıǵat qorymen kelisimge qol qoıǵan.

Soǵan sáıkes, atalǵan uıym óz qarajaty esebinen Altynemel ulttyq parkine buqar buǵysyn ákeldi.

«Buqar buǵysy Turan jolbarysynyń qoregi úshin qoldanylady. Jalpy onyń ekojúıege de paıdasy az emes. Bul bastamany iske asyrý úshin áýeli Qazaqstanǵa Amýr jolbarysyn ákelý josparlanǵan. Ol túri jaǵynan Turan jolbarysyna eń uqsas ań sanalady jáne buryndary Syrdarııa men Іle ózeniniń jaǵalaýyn mekendegen. Olardy 2026 jylǵa qaraı ákelý kózdelip otyr. Ázirge bul másele pysyqtalyp jatyr. Alǵashynda tek 2-3 bas qana alyp kelinýi múmkin», — dep túıindedi Aıman Omarbekova.

Eske salaıyq, buǵan deıin BUU Turan jolbarysynyń popýlıatsııasyn qalpyna keltirýge atsalysatynyn jazyp edik.

Foto: Álıhan Asqar/Kazinform

 

Qosa ketsek, bul kúnderi Samarqan qalasynda únemi qonys aýdaratyn jabaıy janýar túrlerin saqtaý konventsııasynyń kezekti otyrysy ótip jatyr.

Shara aıasynda Qazaqstan, Ózbekstan jáne Qyrǵyzstan elderi Afrıka men Eýrazııa aýmaqtarynda únemi qonys aýdaryp meken etetin jyrtqysh qustardy saqtaý jónindegi halyqaralyq memorandýmǵa qosyldy.