«Turalaǵan týrızmdi qalaı órbitemiz?» - respýblıkalyq basylymdarǵa sholý
«Keshe Memleket basshysy Nursultan Nazarbaev Býrabaıda soltústik óńirlerdi damytý máseleleri jóninde keńes ótkizdi», - dep habarlaıdy «Egemen Qazaqstan» basylymy «Qatań baqylaý - naqty nátıje kepili» dep atalatyn maqalasynda.
Keńes barysynda Qazaqstan Prezıdenti Nursultan Nazarbaev kezdesýge elimizdiń negizgi astyqty óńirleriniń ákimderi shaqyrylǵanyn atap ótken.
«- Men jańa bıyl respýblıkamyzdyń aýylsharýashylyq salasy úshin kúrdeli jyl bolatynyn aıttym. Ózderińiz bilesizder, ara raıynyń qýańshylyǵy bizdi ǵana emes, AQSh, Kanada, Reseı jáne Ýkraına sııaqty iri astyq ósiretin elderdiń aýmaǵyn da qamtydy. Bul, árıne, astyq túsimine yqpal, ekinshi jaǵynan, astyqtyń eksporttyq baǵasynyń arta túsýine áser etedi. Mysaly, baǵa tonnasyna 120-160 dollarǵa ósti. Men baǵanyń osyndaı ósip otyrǵanyn eskere kele, aýylsharýashylyq jumyskerleri óz tabystaryn joǵaltyp almaýlary kerek dep sanaımyn. Onyń ústine, jaýyn-shashynnyń bolýy mol astyq ónimin alýǵa oń yqpal etip, endigi kezekte kúnniń jylynýy da óz septigin tıgizeri anyq. Jıyn-terim naýqanyna jan-jaqty daıyndalý kerek. Osy máseleniń bári búgingi keńeste talqylanatyn bolady, - dedi Nursultan Nazarbaev.
Memleket basshysy tek sońǵy bes jylda elimizdiń astyq ósiretin negizgi úsh óńirine sýbsıdııa túrinde 60 mıllıardtan astam teńge bólingenin atap ótti», - delingen maqalada.
«Alash aınasy» gazeti «Turalaǵan týrızmdi qalaı órbitemiz?» atty materıalynda otandyq týrızm bıznesiniń nelikten órisin keńge jaıa almaı kele jatqanyna oı tastaıdy.
Basylymnyń jazýynsha, elimizge jyl saıyn 4 mln. týrıst at basyn burady eken. Esesine, jyl saıyn 5-6 mln. qazaqstandyq jat jurtqa baryp, qısapsyz qarjyny ózge eldiń bıýdjetine tastap keledi.
«Al sol qarjy ózimizde qalsa, taqııamyzǵa tar kele me? Álde elimiz týrısterdi tartatyndaı tabıǵattan quralaqan ba?», - dep qynjylys tanytady.
«Tas ta taýar bolady. Qaldyq ta kádege jaraıdy. Al Jasaǵannyń ózi tartý etken tabıǵat sulýlyǵy qyrýar qarjyǵa keneltedi eken. Statıstıka «dúnıejúzinde týrızmniń tabysy munaıdan túsetin tabystan keıin ekinshi oryn alady» deıdi. Bul rette «AQSh pen Frantsııa ózge eldi shań qaptyryp tur» deıtin de - málimetter bar. «Baqsaq baqa eken» degendeı, týrızm tilin tapsa, baq eken...», - dep jazady basylym.
«Aıqyn» gazeti búgingi sanynda Olımpıada jeńimpazyna grýzınder 1 mıllıon, Al Ázirbaıjan eli 750 myń dollar syıaqy beretindigin jazýda.
«Al The Telegraph basylymynyń habarlaýynsha, chempıonǵa Frantsııa - 41 myń 500, Qytaı - 35 myń, Japonııa - 23 myń, Ońtústik Koreıa - 22 myń, Avstralııa men Germanııa - 12 myń fýnt sterlıngke teń syıaqy taǵaıyndapty», - deıdi «Aıqyn» gazeti.
Qazaqstan óz chempıondaryna qansha qarjy beretindigin «Olımpıada «altyny»: Jeńimpazdardy qandaı qarjy kútip tur?» atty maqalasynan bile alasyzdar.
«Nur Astana» basylymy «Sheteldik esepshottarda qansha qarjy jatyr?» atty maqalasynda taıaýda Reseıdiń Memlekettik Dýmasynda sheneýnikterge shetelde jyljymaıtyn múlik ıelenýge, sheteldik bankterden esepshot ashýǵa tyıym salatyn zań jobasyn usynǵandyǵy jazylady. Ol zań jobasy boıynsha, zańbuzýshylyqqa jol bergen sheneýnik 5 mln-nan 10 mln. rýblǵa deıin aıyppul tóleıdi nemese 5 jylǵa deıin sottalmaq.
«Al eger týra osyndaı zań jobasy jasalyp, Qazaqstan Respýblıkasy Parlamenti Májilisine usynylsa, depýtat myrzalar qoldar ma edi?», - dep saýal tastaıdy «Nur Astana» gazeti.
«Ótken aptanyń ishinde bir Almatynyń ózinde eki polıtsııa qyzmetkeri qaza boldy», - dep jazady «Lıter» basylymy. Gazettiń atap ótkenindeı, ókinishke oraı, beıbit zamanda qylmyskerlerdi qarýsyzdandyrý operatsııalarynan tys polıtsııa qatary shyǵyn kórýde.
«Ótken aptada pogon kıgen adamdardyń arasynda japa shekkenderdiń qaraly tizimi taǵy ekeýge tolyqty», - delingen «Myna qysqa ǵumyr» atty maqalada. Bir qyzyǵy, olar qyzmet babynda qylmyskerlerdi qarýsyzdandyrý kezinde emes, múldem basqa jaǵdaılarda, biri - jol-kólik apatynda qaıtys bolsa, ekinshisi óz-ózine qol jumsaǵan...