Turaqty memlekette ǵana kózdegen maqsattarǵa jete alamyz – depýtat

NUR-SULTAN. QazAqparat – Parlament Májilisiniń depýtaty Elnur Beısenbaev el óńirlerindegi narazylyqtar jóninde óz pikirin bildirdi, dep habarlaıdy QazAqparat.

«Menińshe, halyqtyń narazylyq bildirýin, bul máselelerdi kóterýin – qalypty dıalogtyq rettilik dep ataýǵa bolady. Biraq Memleket basshysy tarapynan turǵyndardyń barlyq talaby oryndaldy. Endi jastarǵa aıtarym, memleketshil bolýdan artyq ustanym joq. Tek turaqty memlekette ǵana kózdegen maqsattarymyzǵa jete alamyz. Ómirde bári qatelesedi – Úkimet te, bılik te, keıde kútpegen sheshimder qabyldanyp jatady. Degenmen bul barlyq shekaralardy «qıratý» kerektigin bildirmeıdi, kerisinshe máselelerdi órkenıetti túrde dıalogtyq alańdarda sheshýimiz qajet», - dedi E. Beısenbaev.

«Osyǵan baılanysty óz atymnan jáne jastardyń atynan úndeý jasaǵym keledi: el bizdiki, bul eldiń gúldengenin de biz kóremiz, ol úshin taǵy da biz durys baǵytta jumys isteýimiz kerek», - dedi Májilis depýtaty.