Turaqty mekenjaıy joq Qazaqstan azamatyna Reseıden 850 tonna qant jiberilgen

NUR-SULTAN. QazAqparat – Qyrǵyzstan men Reseı Federatsııasynan Qazaqstanǵa 1,5 myń tonna taýardy jalǵan tulǵalar arqyly ákelý áreketi áshkere boldy. Bul týraly QazAqparat QR Qarjy mınıstrligi Memlekettik kirister komıtetine silteme jasap habarlaıdy.

QR Memlekettik kirister komıtetiniń eksporttyq baqylaý basqarmasynyń basshysy Qadyr Ysmaǵulovtyń sózine qaraǵanda, 1 sáýir men 20 tamyz aralyǵynda el aýmaǵyna 184 zańsyz taýar kirgizý deregi anyqtalǵan. Kontrabandalyq taýardyń jalpy salmaǵy 1 545 tonnadan astam. Saldarynan memleketke 45 mln teńgeden astam zııan kelgen.

«Atalmysh taýardy shekaradan alyp ótpek bolǵan júk kólikteri ımporttaýshy tulǵa anyqtalǵanǵa deıin menshik turaq oryndarynda bolady. Memlekettik kiris organdary isti mamandarylǵan aýdanaralyq ekonomıkalyq sotqa jiberý úshin materıal daıyndap jatyr. Mysaly, 20 tamyzda Reseı-Qazaqstan baǵytynda salmaǵy 20 tonna qant tasymaldap bara jatqan kólik ustaldy. Іlespe qujattardy teksergen kezde taýardyń turaqty mekenjaıy joq D.N. Selın esimdi jeke tulǵaǵa joldanǵany anyqtaldy. Memlekettik kiris organdary atalmysh adam 1 sáýir men 20 tamyz aralyǵynda quny 181 mln teńge bolatyn 850 tonna qantty ımporttaǵanyn anyqtady. Osylaısha, memleketke 22 mln teńgeden astam zııan kelgen», - deıdi Qadyr Ysmagulov.