Turaqty ekonomıkalyq ósý keminde 6% bolýy kerek – Premer-Mınıstr

<p>QR Premer-Mınıstri Álıhan Smaıylov jyldyń aıaqtalýyna eki apta qalǵanyn, bólingen qarajatty tolyq ıgerý kerektigin aıtty, dep habarlaıdy <a href="Kazinform" target="_blank" rel="noopener">Kazinform</a>.</p>

«Bıylǵy qarasha aıynda ınflıatsııa 10,3%-ke deıin tómendedi. Memlekettik organdar ınflıatsııa deńgeıin baqylaý jáne tómendetý jónindegi sharalar keshenin sapaly oryndaýy qajet. Jyl sońyna deıin 2 apta qaldy. Ekonomıka ósiminiń oń serpinin saqtaý, bólingen qarajatty tolyq ıgerý jáne barlyq nysanaly kórsetkishterge qol jetkizý úshin bar kúsh-jigerimizdi salýymyz qajet», - dedi Álıhan Smaıylov Úkimettiń búgingi otyrysynda.

Kelesi jyly ekonomıkanyń sapaly ósýin qamtamasyz etý jumysyn jalǵastyrý kerek.

«Turaqty ekonomıkalyq ósýdi keminde 6% deńgeıinde qamtamasyz etý – Úkimettiń orta merzimdi kezeńge arnalǵan basty mindeti. Árıne, biz bıik maqsat qoıyp otyrmyz jáne ol bárimizden nátıjeli jumys pen birlesken kúsh-jigerdi talap etedi. Bul maqsatqa jetý úshin bizde qajetti múmkindikter bar», - dedi Úkimet basshysy.