Túpqaraǵanda ortalyq saıabaqqa 1000-nan astam kóshet otyrǵyzdy

<p>AQTAÝ. KAZINFORM &ndash; Túpqaraǵan aýdanyna qarasty Saıyn Shapaǵatov aýyldyq okrýginde M.Elýbaev kóshesi boıyndaǵy ortalyq saıabaqqa &laquo;Taza Qazaqstan&raquo; ekologııalyq aktsııasy aıasynda demeýshi kompanııa esebinen 1000-nan astam kóshet otyrǵyzdy. Bul týraly&nbsp; aýdan ákimdiginiń baspasóz qyzmeti málim etti.</p>

Atap aıtqanda 214 tal shyǵys týıasy, 59 tal amerıkalyq úıeńki, 69 tal shaǵan, 69 tal soǵdy shaǵany, 207 tal aqterek, 69 tal tut aǵashy, 65 tal Gınnala úıeńkisi, 262 tal qyna aǵashy egildi. 

Foto: Qoǵamdyq kommýnıkatsııa ortalyǵy

Aýdan ákiminiń orynbasary Dıdarbek Jantýarovtyń aıtýynsha saıabaq aýmaǵyna egilgen kóshetterdi kútip-ustaýmen oblystyq eksperımentaldyq botanıkalyq baǵy aınalysady.

«Saıyn Shapaǵatov aýylyndaǵy saıabaq aýmaǵyn kógaldandyrý jumystary 2023 jyldyń kúz aıynan bastap kompanııanyń demeýshiligimen iske asyp jatyr. Kógaldandyratyn jerdiń jalpy aýmaǵy – 0,7 gektar. Bul kóshetterdi kútip ustaý úshin arnaıy aýmaq 2025 jylǵa deıin Mańǵyshlaq eksperımentaldyq botanıkalyq baǵynyń qamqorlyǵyna beriledi jáne tamshylatyp sýarý ádisimen sýaralydy», - deıdi Dıdarbek Jantýarov.