Tuńǵysh Prezıdent: jasampazdyq pen damýdyń 30 jyly atty jıyn ótýde

NUR-SULTAN. QazAqparat – Búgin elordada QR Aqparat jáne qoǵamdyq damý mınıstrliginiń uıymdastyrýymen «QR Tuńǵysh Prezıdenti: jasampazdyq pen údemeli damýdyń 30 jyly» atty halyqaralyq jıyn ótip jatyr, dep habarlaıdy QazAqparat tilshisi.

Jıyndy ashqan Aqparat jáne qoǵamdyq damý mınıstri Aıda Balaeva qatysýshylardy QR Tuńǵysh Prezıdenti kúni merekesimen quttyqtap, osy merekeniń mańyzyna toqtalyp ótti. Onyń aıtýynsha, bul kún - jáı mereke emes. Eń aldymen, eldigimiz ben memlekettigimizdiń sımvoly, 30 jyldyq turaqtylyq pen beıbitshiliktiń biregeı kepiline aınalǵan aıshyqty kúni. «Óıkeni Táýelsizdigimizdiń negizin qalap, egemendigimizdi bekitken elmizdiń Tuńǵysh Prezıdenti – Elbasy Nursultan Ábishulynyń tarıhı tulǵasy men saıası qaıratkerligi qashan da zor qurmetke ıe, Sondyqtan bul mereke Elbasyna degen halyqtyń joǵary iltıpatyn, eldiń ystyq yqylasynyń kórinisi dep bilemin. Rasynda da qazaq degen ultty álemge tanytyp, Qazaqstan degen eldi dúnıe tórine ozdyrǵan Elbasynyń osy parasatty eńbegi, salıqaly saıasaty. Sodan bolar, bul mereke bir tulǵa emes, tutas ulttyń, Táýelsiz jurttyń ortaq qýanyshy dep nyq senimmen aıta alamyz», - dedi mınıstr A. Balaeva.

Jıyn barysynda Qazaqstannyń birinshi syrtqy ister mınıstri Tóleýtaı Súleımenov ta sóz sóıledy. Ol Elbasy N.Nazarbaevtyń memleketti qalyptastyrý kezeńindegi eren eńbegin atap ótti.

«Qazaqstan úshin qajet kóshbasshy retinde Nursultan Nazarbaevtyń erligi aıryqsha boldy. Ol Táýelsiz memleketti qurý jolynda ózine úlken jaýapkershilikti aldy» ,-dedi T. Súleımenov