Tuńǵysh Prezıdent kúnine oraı 1 myń elordalyq otbasyǵa azyq-túlikter taratylady
13:31, 26 Qarasha 2012
ASTANA. 26 qarasha. QazAqparat - Búginde elordada turmysy tómen 995 otbasy turady, olardyń 199-y turaqty túrde ataýly kómekter alady.
Tuńǵysh Prezıdent kúnine oraı turmysy tómen barlyq otbasylarǵa azyq-túlik qaltalary úlestiriletin bolady, dep habarlaıdy «Baıterek» halyqaralyq baspasóz ortalyǵy.
«Jıyntyqqa 50 keli kartop, 25 keli kúrish, 5 keli qant pen 5 lıtr kúnbaǵys maıy engizilgen. Barlyq azyq-túlik taǵamdary qarashanyń 28-inen 30-yna deıin atalǵan otbasylardyń úılerine aparyp beriledi», - dedi Astana qalasy Jumyspen qamtý jáne áleýmettik baǵdarlamalar basqarmasy bastyǵynyń orynbasary Lázzat Ábýova.