Tuńǵysh Prezıdent kúninde elimiz úshin árqaısymyzdyń júregimizdi maqtanysh kerneýi tıis - Z.Amanjolova

ALMATY. QazAqparat - Almatyda Tuńǵysh Prezıdent kúnine arnalǵan «Qazaqstan Respýblıkasyndaǵy prezıdenttik ınstıtýt: halyqaralyq qatynastardyń transformatsııasy jaǵdaıynda memleketti basqarýdyń ıntegratsııalyq negizderi» atty ǵylymı konferentsııa ótti.

Shara barysynda ǵylymı ınstıtýttar basshylary, JOO rektorlary, qalalyq ákimdiktiń ókilderi Memleket basshysynyń táýelsiz Qazaqstannyń damýyna qosqan syndarly úlesin saralady.

Almaty ákiminiń orynbasary Záýresh Amanjolova Tuńǵysh Prezıdent kúninde árqaısymyzdyń júregimizdi maqtanysh kerneýi tıis ekenin aıtyp ótti.

«Bul mereke kez-kelgen azamatymyzdyń júregine maqtanysh syılary sózsiz. Kemeńger kóshbasshysy bar táýelsiz elde ómir súrip jatqany úshin. Ár azamatymyzdyń baqytty bolýy - elimizdiń baqýattylyǵynan habardar etedi», - dedi Z.Amanjolova.

Turan ýnıversıtetiniń rektory Rahman Alshanov ákim orynbasarynyń sózin qoldaı kele, Memleket basshysynyń halyqaralyq tatýlyqtyń kepili bolyp otyrǵanyn atap ótti.

«Bunyń barlyǵy Prezıdenttiń tulǵalyq bıigin kórsetedi. 22 jylda Ult Kóshbasshysy standartqa saı emes sheshimder qabyldady. Álemde damyǵan elder kóp. Al, bizdiń elde prezıdenttik ınstıtýty qalyptasty. Biz sonyń kýási bolyp otyrmyz. Elimizdiń tarıhy tereńde jatyr. Keler jyly qazaq handyǵynyń 550 jyldyǵyn toılaımyz», - dedi R.Alshanov.