Tuńǵysh Prezıdent kúninde dúnıege kelgen astanalyq 60 náreste syılyqtar aldy
15:08, 04 Jeltoqsan 2012
ASTANA. 4 jeltoqsan. QazAqparat - 2012 jyldyń 1 jeltoqsanynda Astana qalasynda týǵan sábıler Qazaqstan Respýblıkasynyń Tuńǵysh Prezıdenti kúni qurmetine estelik syılyqtar aldy.
Elordanyń resmı saıtynyń málimetinshe, aktsııa qalalyq Densaýlyq saqtaý basqarmasynyń bastamasy boıynsha ótti.
«1 jeltoqsan kúni Astana qalasynda 60 sábı dúnıege keldi. Olardyń 34 - qyz, 26-sy ul bala. Sábılerdiń barlyǵy da syılyqqa kishkentaı kombınezondar men estelik ashyq hattar aldy»,- dep habarlaıdy qalalyq Densaýlyq saqtaý basqarmasy ana men bala bóliminiń bastyǵy Sáýle Nurasheva.
Jańa týǵan sábılerge syılyqtar tapsyrý saltanaty qalalyq № 1 jáne № 2 perınataldyq ortalyǵynda, sondaı-aq qalalyq perzenthanada ótti.