Tuńǵysh Prezıdent kúnin merekeleýge arnalǵan jıynda úzdik ÁQK qyzmetshileri marapattaldy (FOTO)
Avıatorlar aldynda sóz sóılegen ÁQK bas qolbasshysynyń birinshi orynbasary - bas shtab bastyǵy general-maıor Marat Ýashpaev osy merekeniń Qazaqstan memlekettiliginiń damýyndaǵy mańyzyn jáne N.Á. Nazarbaevtyń saıası, ekonomıkalyq jáne áleýmettik salalarda aýqymdy reformalar júrgizýdegi rolin atap ótti.
«Táýelsizdiktiń alǵashqy jyldarynda Qazaqstan kóshbasshysy usynǵan baǵyttyń arqasynda tarıh turǵysynan azǵana merzim ishinde ekonomıkasy nyq zamanaýı memleket quryldy», - dedi ol.
«Búgingi tańda bizdiń elimizdi búkil álemdik qaýymdastyq tanıdy, Memlket basshysynyń álemdegi jáne óńirdegi beıbitshilik pen qaýipsizdikti nyǵaıtý baǵytyndaǵy bastamalary halyqaralyq deńgeıde tanyldy», - dedi ÁQK bas qolbasshysynyń orynbasary.
M. Ýashpaev jeke quramdy memlekettik merekemen quttyqtap, olarǵa myqty densaýlyq jáne qoǵamnyń ıgiligi men memlekettiń gúldenýi jolyndaǵy qyzmette tabys tiledi.
Jaýyngerlik daıarlyq pen kásibı sheberlikterin arttyrýda úzdik nátıjege qol jetkizgen avıatorlar Áýe qorǵanysy kúshteri bas qolbasshysynyń buıryǵymen atap ótildi.
Áskerı qyzmetshilerdiń aldynda jas mýzykanttar óner kórsetti. № 2 balalar mýzyka mektebiniń tárbıelenýshileri qazaqstandyq jáne sheteldik kompozıtorlardyń shyǵarmalaryn oryndady, dep habarlady QR qorǵanys mınıstrliginiń baspasóz qyzmeti.