Tuńǵysh Prezıdent kúni ShQO-da úsh egiz dúnıege keldi

ÓSKEMEN. QazAqparat - Tuńǵysh Prezıdent kúni Shyǵys Qazaqstan oblysynda 30 náreste dúnıe esigin ashty. Jáne bul túske deıin ǵana, óıtkeni oblys perzenthanalarynda kúnine 60 sábı, al jylyna 22 myń bala dúnıege keledi, dep habarlaıdy QazAqparat Aqparat ortalyǵyna silteme jasap.

1 jeltoqsanǵa qaraǵan túni úsh egiz ómirge keldi: ul men qyz jáne eki jup qyzdar. Sondaı-aq, osy kúni perzentti bolǵan Óskemen turǵyny ulyna Nursultan dep at qoıdy.

«Meniń 4 qyzym bar. Endi naǵyz batyr dúnıege keldi, salmaǵy - 3,6 kg. Ulymnyń bolashaǵy jarqyn bolyp, kóptegen belesterdi baǵyndyratynyna senimdimin. Beıbit zamanda ómir súrip otyrǵanymyz úshin Elbasyna alǵys aıtamyn», - dep aǵynan jaryldy Nursultannyń anasy Aınur Qoblanova.

Egizder Vladımır men Darınanyń anasy Ekaterına da ana atanǵany úshin baqytty. Al qalǵan egiz qyzdarǵa ata-anasy bir-birine uqsatyp Ásel men Ásem, Erkem men Kórkem dep at qoıypty. Baqytty otbasylarǵa Elbasy atynan syılyqtar berildi. Onda balalarǵa arnalǵan avtokreslo, qolarba, kereýet bar, al ata-analar gúl shoǵy men sábıge kútim jasaýǵa qajetti dári-dármek qobdıshasyna ıe boldy.

 

«Búgingi Tuńǵysh Prezıdentiniń kúni merekesiniń máni zor. Bizdiń Elbasy búginde ana men bala densaýlyǵyna erekshe kóńil bólip otyr», - dep atap ótti ShQO ákiminiń orynbasary Ásem Núsipova.

Onyń aıtýynsha, bul aktsııa oblystyń barlyq aýdan, qalalarynda ótip jatyr. Búgin týylǵan barlyq sábıge syılyq beriledi. Ol sonymen qatar Táýelsizdik kúni qarsańynda Ana men balany aıalaý ortalyǵynyń 32 mamany Óskemennen páterge ıe bolatynyn aıtyp ótti. Al jańa jyldan bastap alǵashqy jedel járdem dárigerleriniń, atap aıtqanda myńnan astam mamannyń jalaqysy 20 paıyzǵa kóteriledi.