Tuńǵysh Prezıdent kúni: Merkide bes birdeı dárigerlik ambýlatorııa ashyldy
Aýdanǵa qarasty Teskentoǵan, Aqqaınar aýyldarynda, Taldybulaq aýylynda, Sypataı aýylynda jáne Qazaq dıqan aýyldaryndaǵy feldsherldik akýsherlik pýnkter endi halyq ıgiligi úshin qyzmet etetin bolady. Bul medıtsınalyq nysandardyń ashylý saltanattaryna aýdan ákimi Meıirhan Ómirbek arnaıy qatysyp, merekeniń mańyzyna toqtalyp, nysandardyń el ıgiligine qalqysyz qyzmet etýi kerektigin basa aıtty.
«Jalpy sońǵy bes jylda Merki aýdanynyń Aqjol, Sarymoldaev, Oıtal, Aqtoǵan, Qyzyl saı, Kentaı, Oıtal, Aqermen aýyldarynda ambýlatorııalyq pýnkter men 250 kelýshige arnalǵan ortalyq emhana paıdalanýǵa berilgen edi. Endi jyl sońyna deıin taǵy jeti ambýlorıtıalyq nysannyń ashylýy josparlanýda. Sonymen Merki aýdany júz paıyz dárigerlik pýnktimen qamtylady. Zamanaýı tıpte salynǵan nysandar halyqtyń ıgiligine aınalaryna senimdimiz»,-dedi aýdan basshysy.
Aıta keteıik, Aqaraly aýyl okrýgine qarasty Sypataı aýylynda ashylǵan ǵımarattyń jobalyq quny - 30 mıllıon teńge. Merdiger «Janaıym qurylys» kompanııasy eki birdeı nysannyń qurylysyn aıaqtap, paıdalanýǵa berse, Aqqaınar aýylyndaǵy ǵımarattyń qurylysyn «NIK Taraz» jaýapkershiligi shekteýli seriktestigi júrgizgen. Bul nysandarda medıtsınalyq qyzmet sapasynyń standarttary engizilip, materıaldyq-tehnıkalyq jabdyqtalý jumystary biryńǵaı tıpke keltirilgen. Mindetti áleýmettik medıtsınalyq saqtandyrý júıesi de óz deńgeıinde júzege asyrylýda.