Tuńǵysh Prezıdent kúni merekesiniń mártebesi ózgermek

ASTANA. QazAqparat – 1 jeltoqsan – Tuńǵysh Prezıdent kúni qoǵamdyq joǵary mańyzy bar ózge datalarmen qatar merekelenýi múmkin. Mundaı usynys ashyq talqyǵa shyǵarylǵan Úkimet qaýlysynda kórsetilgen, dep habarlaıdy QazAqparat tilshisi.

«Qazaqstan Respýblıkasy Prezıdentiniń 2022 jylǵy 23 maýsymdaǵy tapsyrmasyn oryndaý maqsatynda 1 jeltoqsan – Tuńǵysh Prezıdent kúnin memlekettik merekeler qatarynan alyp tastap, Memlekettik rámizder kúni, Alǵys kúni jáne qoǵamdyq mańyzy joǵary áleýeti bar ózge de kúnder sııaqty merekeleýdi aıqyndaý usynylady», - delingen qaýly jobasynda.

Qujat Ashyq NQA saıtynda 3 qarashaǵa deıin talqylanady.

Eske salaıyq, 7 qyrkúıekte Parlament Májilisiniń jalpy otyrysynda palata depýtattary Tuńǵysh Prezıdent kúnin memlekettik merekeler qatarynan alyp tastaýǵa baǵyttalǵan zań jobasyn maquldaǵan bolatyn.

Aıta keteıik, buǵan deıin 1 jeltoqsan memlekettik mereke retinde toılanyp keldi jáne osy kúni qazaqstandyqtarǵa demalys beriletin.

Foto: techandmedialaw.com