Tuńǵysh Prezıdent kúni qarsańynda Qazaqstan Qarýly Kúshteri tárbıe qurylymdarynyń ofıtserleri jyldy qorytyndylady
Jıynǵa ásker túrleri bas qolbasshylarynyń, tekteri qolbasshylarynyń, áskerı bólim komandırleriniń, áskerı-oqý oryndarynyń, qorǵanys isteri jónindegi departamentterdiń jáne Qazaqstan Qarýly Kúshteri áskerı polıtsııa jasaqtary bastyqtarynyń orynbasarlary qatysty.
Táýelsizdik jyldary Elbasy - Qazaqstan Respýblıkasy Qarýly Kúshteri Joǵarǵy Bas qolbasshysynyń sarabdal saıasatynyń arqasynda elimizde áskerı qyzmetshilerdi áleýmettik qamsyzdandyrý júıesiniń naqty jaǵdaılary jasaldy.
Tuńǵysh Prezıdent kúnine oraılastyrylǵan QR QK áskerı tárbıeshi-ıdeologtarynyń jıynyna ǵalymdar, saıasat jáne tarıh ǵylymdarynyń doktorlary, jetekshi ǵylymı qyzmetkerler, «Áskerı-ǵylymı zertteýler ortalyǵynyń», QR Din isteri jónindegi agenttiginiń ókilderi shaqyrylyp, olardyń árqaısysy is-sharaǵa qatysýshylar aldynda sóz sóıledi.
"Qazaqstan Respýblıkasy Qarýly Kúshteriniń Joǵarǵy Bas qolbasshysy Elbasy Nursultan Nazarbaev Qazaqstan Qarýly Kúshteriniń aldyna sany az, kásibı jáne tehnıkalyq jaqsy jaraqtanǵan armııa qurý jónindegi mindet qoıǵan bolatyn. Sońǵy jyldar ishinde bizder Qarýly Kúshterimizdiń qazirgi kelbetin aıqyndaıtyn aýqymdy sharalardy atqardyq. Qazaqstan áskeri aǵa urpaqtyń erlik joly men jaýyngerlik dástúrine negizdelgen jańa qazaqstandyq patrıotızmniń basty ıdeologııalyq mektebine aınalýy tıis", - dep QR QK Bas shtaby bastyǵynyń orynbasary polkovnık Muhamedjan Talasov atap ótti.
Aǵymdaǵy jyldyń qorytyndysyn shyǵaryp, 2014 jylǵa mindetter qoıǵannan keıin áskerı qyzmetshiler psıhologııalyq test tapsyrdy jáne olardyń basshylyq qujattar boıynsha bilimderi tekserildi.