Tuńǵysh Prezıdent kúni búkil qazaqstandyqtardyń birigýin beıneleıdi - A.Batalov
- Memleket damýynyń basym baǵyttaryn aıqyndaǵan bolashaqtyń baǵdarlamasy retinde Elbasynyń «Qazaqstan - 2050» strategııasy jaryq kórip, onda Prezıdent aldymyzǵa damyǵan otyz eldiń qataryna ený mindetin qoıdy. Osy maqsatqa jetýdiń joly retinde aldaǵy josparymyzdy jýyrda ǵana jarııalaǵan «Nurly jol - bolashaqqa bastar jol» atty kezekti Joldaýynda atap aıtty. Joldaýda dúnıejúzilik daǵdarystyń saldary kórsetilip, jańa ekonomıkalyq saıasattyń basymdyqtary aıtyldy.
«Nurly jol» - halyqtyń áleýmettik jaǵdaıyn jaqsartýǵa baǵyttalǵan naqty baǵdarlama. Elbasy Joldaýynda Máńgilik El ıdeıasyn taǵy da shegelep aıtty. Qazaqstan - Máńgilik Eldiń Otany, - dedi A.Batalov. Sarabdal saıasatynyń arqasynda Elbasy elimizdi qıyndyqtan súrindirmeı alyp shyqqanyn aıta kele, Prezıdenttiń álemdik arenadaǵy bedeliniń zor ekenin de atap ótti. «Eń alǵash Táýelsiz Memleketter Dostastyǵyn qurýǵa bastamashy bolǵan da - Elbasy. Budan basqa Keden Odaǵy men Shanhaı yntymaqtastyq uıymynyń, basqa da halyqaralyq uıymdardyń dúnıege kelýine Elbasy sebepshi boldy. 2010 jyly Qazaqstan Elbasynyń bastamasymen Eýropadaǵy qaýipsizdik jáne yntymaqtastyq uıymyna tóraǵalyq etti. Sonymen birge, biz Islam yntamaqtastyq uıymyna úlken abyroımen basshylyq jasadyq. Munyń barlyǵy Elbasynyń halyqaralyq arenadaǵy bıik bedelin kórsetedi. Biz Elbasy Nursultan Ábishuly Nazarbaevtyń jerlesteri ekenimizdi maqtan tutamyz. Jáne bul bizge úlken jaýapkershilik júkteıdi», - degen oblys ákimi mańyzy zor memlekettik mereke - Qazaqstan Respýblıkasy Tuńǵysh Prezıdentiniń kúnimen quttyqtap, erteńimiz Elbasymyzben jarqyn bola berýine tilektestigin bildirdi. Sonymen qatar oblystyq ardagerler keńesiniń tóraǵasy Ardaq Sydyq, Kóksý aýdanyndaǵy B.Qundaqbaev atyndaǵy mekteptiń muǵalimi L. Hamzına, І.Jansúgirov atyndaǵy memlekettik ýnıversıtetiniń túlegi D.Dıgaı quttyqtaý sóz sóılep, Elbasynyń eren eńbegin atap ótti. Saltanatty jıyn sońy Súıinbaı atyndaǵy oblystyq fılarmonııanyń kontsertimen qorytyndylandy.