Tuńǵysh Prezıdent kezekti ret jaýapty saıasatkerdiń úlgisin kórsetti – Erlan Qarın

NUR-SULTAN. QazAqparat - Tuńǵysh Prezıdent barsha álemge jaýapty saıasatkerdiń úlgisin kórsetti. QR Prezıdentiniń keńesshisi Erlan Qarın osyndaı pikirin bildirdi, dep habarlaıdy QazAqparat tilshisi.

«Búgin Tuńǵysh Prezıdent Nursultan Nazarbaev óz erkimen ókilettigin toqtatqanyna bir jyl boldy. Elbasy prezıdenttik laýazymnan óziniń saıası yqpalynyń shyńynda turǵan kezinde ketti. Ol prezıdenttik merzimi aıaqtalǵanǵa deıin óziniń ókilettigin júzege asyrýǵa qaýqarly boldy. Bul jaıynda halyqtyń keńinen qoldaýyna ıe bolǵanyn kórsetken barlyq prezıdenttik saılaýlar nátıjeleri aıqyn baıqatty», - dep jazdy E. Qarın Telegram-da.

Osy oraıda ol Nazarbaev qazaqstandyqtar úshin ultty biriktiretin barlyq qundylyqtardyń beınesi retinde bolǵanyn atap ótti.

E. Qarınniń paıymynsha, Tuńǵysh Prezıdent kezekti ret jaýapty saıasatkerdiń úlgisin kórsetti. Bir jyl buryn prezıdenttik mandatty óz erkimen toqtatý týraly Nursultan Nazarbaevtyń sheshimi kópshilik úshin kútpegen jaǵdaı boldy, biraq ta osy sheshim qanshalyqty kóregendik ekenin barlyǵy túsinip otyr. Elbasy eldi transformatsııaǵa daıyndap, bıliktiń ońtaıly tranzıtin qamtamasyz etti. Nátıjesinde, 2019 jyldyń 9 maýsymynda qazaqstandyqtar onyń qoıǵan baǵytyn jalǵastyrý úshin daýys berdi. Osy oraıda Qazaqstannyń saıası tarıhynyń jańa kúntizbesi bastaldy. Jańa Prezıdent Qasym-Jomart Toqaevqa damýdyń burynǵy baǵytyn jalǵastyryp, jańa maqsattardy sheshýi qajet boldy.

«Osy kúnderi barsha álem pandemııamen kúresip jatqanda, túrli elderde TJ rejimi engizilip, shekaralar jabylyp jatqan kezeńde, qazaqstandyq bılik shuǵyl áreket etý qabiletin kórsetýde, sondaı-aq ozyq júrip áreket etýde. Memlekettik mashına úılesimdi jumys isteýde. Dál osyndaı sátte memlekettiń qalyptasqanyn ári shynymen de kúrdeli mindetterdi sheshýge qaýqarly ekeni túsinikti bolyp otyr», - dedi Erlan Qarın.