«Túngi qaladaǵy balalar» aktsııasy aıasynda 2 myńnan astam reıd ótedi
«Balalardyń fızıologııalyq, psıhıkalyq densaýlyǵyn saqtaý, ata-analardyń kishkentaı balalarmen birge eresekterge arnalǵan oıyn-saýyq oryndarynda bolý máselesine qatysty kelesini habarlaımyn. Atalǵan faktilerge qarsy is-qımyl jasaý maqsatynda ýákiletti memlekettik organdarmen birqatar jumys atqarylýda. Bul rette, Іshki ister mınıstrligi kámeletke tolmaǵandardyń túngi ýaqytta (túngi 22.00-den tańǵy 6.00-ge deıin) zańdy ókilderiniń erip júrýinsiz oıyn-saýyq oryndarynda bolý faktilerin anyqtaýǵa baǵyttalǵan jedel-profılaktıkalyq jáne reıdtik is-sharalar júrgizýde. Nátıjesinde 2022 jyly 1,7 myń kásipker men 3 myńǵa jýyq ata-ana ákimshilik jaýapkershilikke tartylyp, atalǵan is-sharalar aıasynda ata-analarmen jáne kásipkerlermen túsindirý jumystary júrgizildi», - dep atap ótedi Altaı Kólginov.
Onyń atap ótýinshe, balalar densaýlyǵyn nyǵaıtý boıynsha túsindirý jumystaryn kúsheıtý maqsatynda Densaýlyq saqtaý mınıstrligi buqaralyq aqparat quraldarynda 60 myńnan astam túsindirý is-sharalaryn uıymdastyrdy.
«Sondaı-aq, 2023 jyly «Túngi mekemeler – balalar úshin emes», «Balalardyń bos ýaqyty úshin ata-analardyń jaýapkershiligi» taqyrybynda beınerolıkter shyǵarý josparlanǵan. Budan basqa, 2023-2029 jyldarǵa arnalǵan mektepke deıingi, orta, tehnıkalyq jáne kásiptik bilim berýdi damytý tujyrymdamasynyń jobasynda balalardy rýhanı-adamgershilik qasıetterge tárbıeleý is-sharalary kózdelgen. Sonymen qatar, «Túngi qaladaǵy balalar» aktsııasy aıasynda 2 myńnan astam reıdtik is-sharalar ótkiziletin bolady. Ásirese temeki ónimderin paıdalanýǵa tyıym salynǵan túngi oıyn saýyq oryndary tekseriledi. Nátıjeleri boıynsha is-shara qoldanylady», - dedi Úkimet basshysynyń orynbasary.