Túnde Óskemenniń Dańq memorıaly 7199 maıshamnyń jaryǵyna kómkerildi
11:25, 10 Mamyr 2017
ÓSKEMEN. QazAqparat - Myńdaǵan óskemendik oblys ákimi Danıal Ahmetovpen birge qaza tapqan sarbazdardy eske alý qurmetine myńdaǵan maısham jaqty.
Shyǵys Qazaqstannyń ortalyǵynda Jeńis kúni 7199 maısham jaǵylyp, Dańq memorıalyna qoıyldy. Ekinshi dúnıejúzilik soǵys kezinde Óskemennen shaqyrtylǵan osynsha sarbaz maıdan alańynda mert boldy.
«Óz shamyńdy jaq» aktsııasy Óskemende alǵash ret 1985 jyly ótkizildi. Sharaǵa qatysýshylar sany jyl saıyn artýda. Bıyl memorıal mańyna on myńnan astam adam jınaldy.