Túmen qazaqtary: Qazaqstan XXI ǵasyr máselelerin asqan dáldikpen eńsere alady

ASTANA. QazAqparat - Qazaqstannyń BUU Qaýipsizdik keńesine turaqty emes múshe bop saılanýy - qazaqstandyqtardyń ǵana emes, tarıhı Otanynan tys jerde ómir súretin jalpy qazaq halqynyń úlken jeńisi, dep málimdedi Reseıdiń Túmen oblysyndaǵy Qazaq ulttyq-mádenı avtonomııasynyń prezıdenti Esenǵalı Ybyraev.

«Biz, Reseıdegi qazaqtar, ata-baba jerindegi oqıǵalardy jiti baqylap otyramyz, álemdik saıasattaǵy Qazaqstannyń jetistikterin estigende, keýdemizdi maqtanysh kerneıdi. Álemniń júregi sanalatyn Eýrazııa qurlyǵynyń ortasynda ornalasqan Qazaqstan Elbasynyń kóregen saıasatymen kóp vektorly beıbit saıasat ustanyp, seriktester men dostar sanyn arttyrýda», dep atap ótti Túmen qazaqtary avtonomııasynyń basshysy.

Ybyraevtyń aıtýynsha, Qazaqstan táýelsiz 25 jyl ishinde aldyńǵy qatarly elder qataryna qosylý jolynda nyq senimmen qadam basyp keledi. Álemdik beıbitshilikti nyǵaıtýda bizdiń de elimizdiń qosar úlesi bar. Qazaqstan HHІ ǵasyrdyń eń basty máselesi  - terrorıstik qaýipti asqan dáldikpen eńsere alatynyn kórsetti.