Tumaýǵa qarsy nege reseılik vaktsına tańdap alyndy - vıtse-mınıstr Marat Shoranov
Qazaqstan nege tumaýǵa qarsy reseılik vaktsınany alyp otyr? Onyń Frantsııanyń nemese Nıderland vaktsınalarynan artyqshylyǵy nede? Ortalyq kommýnıkatsııalar qyzmetinde ótken brıfıngide Densaýlyq saqtaý mınıstrliginiń ókilderine osyndaı saýal qoıyldy.
«Bıýdjet satyp alý protsedýralarynyń reglamenti bar. Ol boıynsha tirkeýde bar vaktsınalardyń bári konkýrsqa qatysa alady. Sonyń ishinen baǵasy eń arzan tańdap alynady. Ol vaktsınalardyń tıimdiligine tirkeýden ótkeni dálel bolady», - dedi Densaýlyq saqtaý vıtse-mınıstri Marat Shoranov.
Al Qoǵamdyq densaýlyq saqtaý ulttyq ortalyǵynyń basqarma tóraǵasynyń orynbasary Aınagúl Qýatbaevanyń aıtýyna qaraǵanda, reseılik «Grıppol+» vaktsınasy talaıdan beri óz tıimdiligin dáleldegen.
«Grıppol+» vaktsınasy Qazaqstan aýmaǵynda sońǵy 5 jyldan beri qoldanylyp keledi. Biz onyń tıimdiligi joǵary ekenin kórip otyrmyz. Medıtsınalyq qyzmetkerler de ony qalaı qoldaný kerektigin jaqsy biledi. Mamandar nusqaýlyǵyn tolyq ıgergen, saqtaý sharttary men tásili de etene tanys. Bizdiń medıtsınalyq uıymdarda qoldanýǵa barynsha qolaıly», - dedi sarapshy.