Tumaý sııaqty – Ajar Ǵınııat koronavırýstyń jańa shtamy belgilerin aıtty

ASTANA. QazAqparat – Úkimet otyrysynan keıin BAQ ókilderiniń saýalyna jaýap bergen Densaýlyq saqtaý mınıstri Ajar Ǵınııat álem elderinde tarap jatqan koronavırýstyń jańa shtamyna qatysty pikir bildirdi, dep habarlaıdy QazAqparat tilshisi.

«Dúnıejúzinde koronavırýstyń omıkron túriniń «Eris» shtamy anyqtaldy. Zertteý jumystarynyń nátıjesine qarasaq, elimizde bul shtamm joq. Qytaı, AQSh jáne Eýropa elderinde bul shtamnyń bar ekeni dáleldendi. Jańa shtamm omıkron belgilerine uqsas. Degenmen onymen aýyrǵan adamda aýrý jeńil ótedi, kóbine tumaý aýrýy sııaqty ótip jatyr», - dep pikir bildirdi mınıstr Ajar Ǵınııat.

Eske salaıyq, buǵan deıin koronavırýstyń jańa túri taraǵany týraly aqparat jarııalanǵan bolatyn. Osyǵan baılanysty Densaýlyq saqtaý vıtse-mınıstri – Bas memlekettik sanıtarııalyq dáriger Aıjan Esmaǵambetova karantın engizilýi múmkin be?» degen suraqqa jaýap berdi.