«Tumar» televızııalyq syılyǵynan 214 jumys úmitti

ASTANA. QazAqparat -  «Tumar» televızııalyq syılyǵynan 214 jumys úmitti. Bul jaıynda QR Aqparat jáne kommýnıkatsııalar mınıstri Dáýren Abaev óziniń Feısbýktegi paraqshasynda málim etti, dep habarlaıdy QazAqparat.

«Qymbatty dostar, 7 naýryzda «Tumar» televızııalyq syılyǵy úshin ótinishter qabyldaý aıaqtaldy. Buǵan deıin aıtylǵandaı, bul jobanyń maqsaty - jýrnalıster qaýymyn shyǵarmashylyq izdeniske yntalandyryp, osy salanyń damýyna serpin berý.  Sonymen, 12 atalym boıynsha elimizdiń túkpir-túkpirinen barlyǵy 214 jumys kelip tústi. Aldaǵy ýaqytta bul jumystar aqparat salasyndaǵy tanymal tulǵalardan quralǵan qazylar alqasynyń irikteýinen ótedi. Al, marapattaý rásimi 17 naýryzǵa belgilenip otyr», - dep jazdy mınıstr.