«Tumar» televızııalyq báıgesiniń bıylǵy ereksheligi nede

NUR-SULTAN. QazAqparat - Ortalyq kommýnıkatsııalar qyzmetiniń alańynda ótken baspasóz konferentsııasynda «Tumar» televızııalyq báıgesi bıyl nesimen erekshelenetini aıtyldy, dep habarlaıdy QazAqparat tilshisi.

«Tumar» televızııalyq báıgesi bıyl tórtinshi jyl qatarynan ótedi. Bul joba sapaly televızııalyq kontentti anyqtap, tilshilerdiń eńbegin baǵalaýǵa kómektesedi. Bıyl 10 nomınatsııa boıynsha 211 jumys usynyldy. Ótinimderdiń kóbi «Úzdik derekti fılm», «Úzdik áleýmettik joba», «Úzdik televızııalyq telehıkaıa» nomınatsııalary boıynsha boldy«, - deıdi QR Aqparat jáne qoǵamdyq damý mınıstrligi Aqparat komıtetiniń tóraǵasy Lázzat Súıindik.

Telejýrnalıst, prodıýser Láılá Sultanqyzy bul jobaǵa bıylǵy jyly engizilip otyrǵan ereksheliktermen tanystyrdy.

»Osy jobanyń qazylar alqasynyń múshesi bolǵanyma eki jyl toldy. Bıyl atalǵan baıqaý jeńimpazdaryna 1 mln. teńge syıaqy beriledi. Buryn tapsyrys berýshi telearna marapattalyp, tapsyrysty oryndaýshy kompanııalardyń eńbegi elenbeı, ortada túsinispeýshilik bolatyn. Bıyl osy másele eskerilip, syıaqy prodakshn kompanııaǵa beriletin bolady. Buryn ınternet júıesinde tanymal bolǵan, kóp qaralym jınaǵan dúnıeler «Tumardy» jeńip ala almaıtyn, sebebi ıdeologııa, tálim-tárbıege kóp den qoıylatyn. Osy joly kelip túsken ótinimderdiń ishinde YouTube-ta kóp qaralym jınaǵan serıaldar, júrgizýshiler, jýrnalıster bar», - deıdi ol.