«Tumar» telebaǵdarlamalar baıqaýyna eki jańa nomınatsııa qosylady

ASTANA. QazAqparat – «Tumar» ulttyq televızııalyq baıqaýyna anımatsııalyq ónimder men derekti fılmder boıynsha eki nomınatsııa qosylady, dep habarlaıdy QazAqparat tilshisi.

Bul týraly Aqparat jáne qoǵamdyq damý mınıstriniń mindetin atqarýshy Darhan Qydyráli «Nauryz» ulttyq báıge keshinde aıtty.

«Búgingi baıqaýdy jyl saıyn ótkizýdi dástúrge aınaldyrýdy josparlap otyrmyz. «Nauryz» dep ataýymyzdyń sebebi – jyl saıyn naýryz aıynda ótken jyldyń qorytyndysyn shyǵaryp otyramyz. Teleserıaldarǵa bólek baıqaý jarııalaǵan soń, «Tumar» baıqaýyna anımatsııalyq ónimderdi jáne derekti fılmderdi arnaıy engizemiz», - dedi D. Qydyráli.

Mınıstrdiń mindetin atqarýshy elimizde sońǵy jyldary kreatıvti ındýstrııa, teleserıaldar qarqyndy damyp kele jatqanyn atap ótti.

«Qazir bizde san da, sapa da artyp keledi, qarajat jaǵyn da kóbeıtýdi qarastyryp otyrmyz. Qazir otandyq serıaldar ishki jáne syrtqy naryqta zor suranysqa ıe bolyp otyr. Buryn úndiniń «Kelinine» telmiretin kórermen qazir ózimizdiń «Kelinjan» men «Appaq kelindi» kóredi. Halyqaralyq jobalardy da arttyryp jatqanymyz belgili. Osynda shetelden – baýyrlas Túrkııadan, Ázerbaıjannan, Qyrǵyzstannan, Ózbekstannan kelgen mártebeli meımandarymyzǵa rızashylyǵymyzdy bildiremin. Bolashaqta bul eldermen ortaq jobalar jasaý bizdiń josparymyzda», - dedi Darhan Qydyráli.