Tumar hanshaıym týraly fılmge kimder túsip jatyr

ASTANA. QazAqparat -Qazaqstandyq rejısser Aqan Sataev óziniń áleýmettik jelidegi paraqshasynda «Tumar» tarıhı fılminiń keıbir keıipkerleriniń sýretterin jarııalady, dep habarlaıdy QazAqparat.

«Bizdiń «Tumar» atty kartınamyzdyń birneshe keıipkerleri: Spargap - @murat_bissenbin  ; Homan - @erkebulan_dairov  ; Shaksıohar - @berik_aitzhanov  ; Kavaz - @azamatc ; qolbasshy Akıbatov - @erden_telemisov »,- dep jazady rejısser.

Aıta keteıik, Aqan Sataev saqtardyń kóshbasshysy - Tumar hanshaıym týraly tarıhı fılm túsirip jatyr. Buǵan deıin biz  «Qazaqfılmde» Tumar patshaıymdy tańdaý qalaı júrip jatqandyǵy týraly tolyq aqparat bergen bolatynbyz . 

Fılm saq taıpalary patshaıym Tumardyń qolbasshylǵymen uly dalany basyp alǵysy kelgen parsy patshasy ІІ Kırge joıqyn toıtarys bergeni týraly baıandaıdy. Kishkentaı qyzdan aıbyndy jaýyngerge aınalǵan, jaqyndarynan aırylyp, satqyndardan óshin alǵan jáne saq taıpalaryn óz bıligi astynda biriktirgen arýdyń taǵdyry aıtylady. Tarıhı kınotýyndynyń tusaýkeseri 2018 jyldyń jeltoqsan aıyna josparlanǵan.

Kartınanyń bas prodıýsseri Álııa Nazarbaeva, qoıýshy rejısser Aqan Sataev, stsenarıı avtorlary Álııa Nazarbaeva men Tımýr Jaqsylyqov, Kastıng-dırektor Jaına Ábdıeva, prodıýserler Anna Chakırtova men Álııa Meńdyǵojına.