Tumar-2023: Jibek Joly telearnasy ulttyq syılyq jeńimpazy atandy

ASTANA. QazAqparat – «Tumar-2023» Ulttyq televızııalyq syılyǵynyń jeńimpazdary jarııalandy, dep habarlaıdy QazAqparat Aqparat jáne qoǵamdyq damý mınıstrligine silteme jasap.

Barlyǵy 12 nomınatsııa boıynsha 300-ge jýyq ótinim túsken. Short-lıstke 48 jumys endi. Jeńimpazdar ádilqazylar músheleriniń jabyq daýys berýi arqyly anyqtaldy.

Bıyl alǵash ret jýrnalıster «Úzdik sport kommentatory» jáne «Úzdik anımatsııalyq fılm» nomınatsııalary boıynsha baq synady.

Jeńimpazdar televızııalyq óner salasyndaǵy eń joǵary jetistikteri úshin «Tumar» músinshesiniń jáne 1 mıllıon teńge kólemindegi qarjylaı syıaqynyń ıegeri atandy. Sonymen, «Tumar-2023» Ulttyq televızııalyq báıgesiniń jeńimpazdary:

Úzdik aqparattyq baǵdarlama

«Dnevnoı format» – «Atameken Business» telearnasy

Úzdik áleýmettik joba

«Janashyr» – «Jetisý» telearnasy

Úzdik jýrnalıstik zertteý

«Arnaıy reportaj» – «Habar 24» telearnasy

Úzdik analıtıkalyq baǵdarlama

«Apta» – «Qazaqstan» ulttyq telearnasy

Úzdik tok-shoý

«1001 tún» – «Qazaqstan» ulttyq telearnasy

Úzdik oıyn-saýyq baǵdarlamasy

«Túngi stýdııa» – «Jibek Joly» telearnasy

Úzdik derekti fılm

«Abaıdyń sońǵy kúnderi» – «Habar» telearnasy (Kamal Smaıylov atyndaǵy arnaıy syılyq)

Úzdik anımatsııalyq fılm

«Dáriger Dana» – «Rio Production» JK (Ámen Qaıdarov atyndaǵy arnaıy syılyq)

Úzdik aımaqtyq telearna

«Caspian News» – Atyraý qalasy

Úzdik telejýrnalıst

Áıgerim Muzdybaeva – Birinshi kanal «Evrazııa»

Úzdik telejúrgizýshi

Svetlana Býlatova – «KTK» telearnasy

Erkin Baıǵabyluly – «Habar 24» telearnasy

Úzdik sport kommentatory

Eseı Jeńisuly– «Qazsport» telearnasy

(Amankeldi Seıthanov atyndaǵy arnaıy syılyq)

Arnaıy júlde «31 arna» telearnasyna otandyq televızııa salasynyń damýyna qosqan úlesi úshin tabystaldy.

Aıta ketsek, bıyl «Tumar» Ulttyq báıgesine – 7 jyl. Іs-sharaǵa «Qazaqstan RTRK» AQ men «Habar» agenttigi demeýshilik jasady.