Tuman, jańbyr: Sınoptıkter 6 óńirde eskertý jarııalady
31 qańtarda Jambyl oblysynyń ońtústigi men batysynda, taýly, taý bókterindegi aýdandarda tuman, kóktaıǵaq kútiledi. Ońtústik-shyǵystan jel soǵady, taýly aýdandarda ekpini 15-20 m/s quraıdy. 2-3 aqpanda Jambyl oblysynyń batysynda, ońtústiginde, taýly jáne taý bókterindegi aýdandarda qatty jaýyn-shashyn (jańbyr, qar) kútiledi. Sondaı-aq tuman, kóktaıǵaq boljanady. 3 aqpanda jeldiń ekpini 23-28 m/s jetýi yqtımal. 1-3 aqpanda kúndiz aýa temperatýrasy 5-10 gradýs jylyǵa, oblystyń soltústigi men taýly aýdandarynda 0-5 gradýs aıazǵa deıin kóteriledi.
31 qańtarda Jetisý oblysynyń Alakól kólderi aýdanynda ońtústik-shyǵystan jel kútiledi, ekpini 15-20 m/s, keı ýaqytta 25 m/s jetedi. 1 aqpanda ońtústikte, shyǵysta, taýly aýdandarda jaýyn-shashyn bolady. 2-3 aqpanda oblystyń basym bóliginde jaýyn-shashyn (jańbyr, qar), kúndiz 3 aqpanda taýly aýdandarda qatty jaýyn-shashyn (kóbinese jańbyr) kútiledi. Óńirdiń taýly aýdandaryn tuman basady. Soltústik-shyǵystan soqqan jel ońtústik-batysqa aýysyp, kúshi 9-14 m/s quraıdy. Ekpini 15-20 m/s jetýi yqtımal. Alakól kólderi aýmaǵynda jeldiń jyldamdyǵy 23-28 m/s jetýi múmkin. 2-3 aqpanda kúndiz aýa temperatýrasy 2-7 gradýs jylyǵa deıin kóteriledi.
31 qańtarda Túrkistan oblysynyń ońtústigi men batysynda, taýly, taý bókterindegi aýdandarda tuman boljanady. Ońtústik-shyǵystan jel soǵady, taý asýlarynda kúshi 15-20 m/s quraıdy.
31 qańtarda Shymkent qalasynda túnde tuman kútiledi.
31 qańtarda Qyzylorda oblysynyń ońtústiginde tumandy bolady.
31 qańtarda túnde jáne tańerteń Batys Qazaqstan oblysynyń ońtústik-batysynda tuman boljanady.
1-3 aqpanda Qyzylorda, Túrkistan, Jambyl, Almaty jáne Jetisý oblystarynda jańbyr men qar aralas jańbyr jaýyp, temperatýralyq fon joǵarylaıdy. Osyǵan baılanysty qar jyldam erip, erigen qar sýy qalyptasady, betkeılerden sý aǵyp, ózen-kólderde muz álsireıdi, sý deńgeıi kóteriledi dep kútiledi.