Tuman túsip, úsik júredi: 24 qyrkúıekke arnalǵan aýa raıy boljamy

<p>ASTANA. KAZINFORM &mdash; Qazgıdromet 24 qyrkúıektegi aýa raıy boljamyn jarııalady.</p>

Sınoptıkterdiń boljamy boıynsha, Qostanaı oblysynyń soltústiginde, batysynda tuman túsedi. Soltústik-batystan jel soǵady, kúndiz oblystyń soltústik-shyǵysynda ekpini 15-20 m/s. Oblystyń ońtústiginde joǵary órt qaýpi saqtalady.

Almaty oblysynyń soltústiginde, batysynda tótenshe órt qaýpi bar.

Jambyl oblysynyń taýly aýdandarynda tuman túsedi. 25 qyrkúıekte oblystyń soltústiginde, ońtústiginde, taýly aýdandarynda naızaǵaı oınaıdy. 24-25 qyrkúıekte soltústik-batystan soǵatyn jel soltústik-shyǵys jeline aýysady, kúndiz oblystyń ońtústik-batysynda, soltústik-shyǵysynda, taýly aýdandarynda ekpini 15-20 m/s bolady. 24-25 qyrkúıekte oblystyń basym bóliginde tótenshe, oblystyń ońtústik-batysynda, ońtústik-shyǵysynda joǵary órt qaýpi saqtalady.

Túrkistan oblysynda soltústik-shyǵystan jel soǵady. Kúndiz oblystyń taý asýlarynda kúshi 15-20 m/s. Oblystyń basym bóliginde tótenshe órt qaýpi saqtalady.

Shymkentte tótenshe órt qaýpi saqtalady.

Qaraǵandy oblysynyń soltústiginde, shyǵysynda tuman túsedi. Oblystyń basym bóliginde joǵary órt qaýpi, oblystyń shyǵysynda, batysynda tótenshe órt qaýpi bar.

Ulytaý oblysynyń soltústiginde tuman túsedi. Oblystyń basym bóliginde tótenshe órt qaýpi, oblystyń shyǵysynda joǵary órt qaýpi saqtalady.

Atyraý oblysynyń batysynda, ońtústiginde naızaǵaı oınaıdy. Soltústik-shyǵystan, shyǵystan jel soǵady, oblystyń batysynda, ońtústiginde, soltústiginde ekpini 15-20 m/s. Oblystyń basym bóliginde tótenshe órt qaýpi bar.

Mańǵystaý oblysynyń batysynda, soltústik-shyǵysynda, ortalyǵynda naızaǵaı oınaıdy. Ońtústik-shyǵystan soltústik-batysqa aýyspaly jel soǵady, oblystyń batysynda, soltústik-shyǵysynda, ortalyǵynda 15-20 m/s bolady. Oblys boıynsha tótenshe órt qaýpi saqtalady.

Batys Qazaqstan oblysynyń soltústiginde 2 gradýs úsik júredi. Jel soltústik-shyǵystan, shyǵystan soǵady, kúndiz oblystyń batysynda ekpini 15-20 m/s. Oblystyń soltústiginde, soltústik-shyǵysynda joǵary órt qaýpi saqtalady, oblystyń basym bóliginde tótenshe órt qaýpi bar.

Abaı oblysynyń ońtústiginde tótenshe órt qaýpi saqtalady, oblystyń shyǵysynda, ortalyǵynda joǵary órt qaýpi bar.

Shyǵys Qazaqstan oblysynyń batysynda, ońtústiginde, ortalyǵynda joǵary órt qaýpi saqtalady.

Soltústik Qazaqstan oblysynda batystan, soltústik-batystan jel soǵady, túnde oblystyń soltústiginde, ońtústiginde, shyǵysynda ekpini 15-20 m/s, kúndiz kúshi 15-20 m/s, oblystyń soltústiginde, ońtústiginde, shyǵysynda ekpini 23-28 m/s.

Aqtóbe oblysynyń basym bóliginde joǵary, ońtústiginde, batysynda, ortalyǵynda tótenshe órt qaýpi saqtalady.

Qyzylorda oblysynyń basym bóliginde tótenshe órt qaýpi, oblystyń soltústik-batysynda joǵary órt qaýpi bar.

Pavlodar oblysynyń batysynda, ońtústiginde tuman túsedi. Batystan jel soǵady, kúndiz soltústiginde, shyǵysynda kúshi 15-20 m/s.