Tuman túsip, kóktaıǵaq bolady: 21 jeltoqsanǵa arnalǵan aýa raıy boljamy

<p>ASTANA. KAZINFORM &ndash; &laquo;Qazgıdromet&raquo; RMK 21 jeltoqsanda Qazaqstannyń 16 oblysynda daýyldy eskertý jarııalady.</p>

Sınoptıkterdiń boljamy boıynsha, túnde Shyǵys Qazaqstan oblysynyń soltústiginde, shyǵysynda jaıaý burqasyn júredi. Túnde oblystyń soltústiginde, shyǵysynda ońtústik-shyǵystan ońtústik-batysqa oıysa soqqan jeldiń ekpini 15-18 m/s bolady.

Túnde Ulytaý oblysynyń shyǵysynda jaıaý burqasyn júredi. Ońtústik-batystan jel soǵady, túnde oblystyń shyǵysynda ekpini 15-20 m/s bolady.

Soltústik Qazaqstan oblysynyń soltústiginde, shyǵysynda, ońtústiginde jaıaý burqasyn júredi. Oblystyń ońtústiginde, shyǵysynda soltústik-batystan, batystan soqqan jeldiń ekpini 15-20 m/s. Petropavlda da túnde jaıaý burqasyn júredi.

Túnde Aqmola oblysynyń basym bóliginde, kúndiz soltústiginde, shyǵysynda jaıaý burqasyn júredi. Oblystyń soltústiginde, shyǵysynda ońtústik-batystan soltústik-batysqa oıysa soqqan jeldiń ekpini 15-20 m/s bolady.

Túnde jáne tańerteń Batys Qazaqstan oblysynyń soltústiginde, shyǵysynda tuman túsedi. Oralda da túnde jáne tańerteń tuman túsedi.

Túnde jáne tańerteń Aqtóbe oblysynyń batysynda tuman túsedi.

Qyzylorda oblysynyń soltústiginde, ortalyǵynda kóktaıǵaq bolady. Qyzylorda da kóktaıǵaq bolady.

Túrkistan oblysynyń ońtústiginde, batysynda, taýly jáne taý bókterli aýdandarynda tuman túsedi. Oblystyń taý asýlarynda jaıaý burqasyn júredi. Batystan shyǵysqa oıysa jel soǵady, oblystyń taý asýlarynda soqqan jeldiń ekpini 15-20 m/s deıin jetedi. Shymkentte, sondaı-aq Túrkistanda túnde jáne tańerteń tuman túsedi.

Abaı oblysynyń batysynda, ortalyǵynda jaıaý burqasyn júredi. Oblystyń batysynda, ortalyǵynda ońtústik-batystan soqqan jeldiń ekpini 15-20 m/s bolady.

Mańǵystaý oblysynyń soltústiginde, shyǵysynda tuman, kóktaıǵaq bolady.

Qostanaı oblysynyń shyǵysynda, ońtústiginde tuman túsedi. Kúndiz oblystyń batysynda, soltústiginde jaıaý burqasyn júredi. Kúndiz oblystyń soltústiginde, batysynda soltústik-batystan ońtústik-batysqa oıysa soqqan jeldiń ekpini 15 m/s bolady.

Pavlodar oblysynyń batysynda, ońtústiginde jaıaý burqasyn júredi. Ońtústik-batystan jel soǵady, oblystyń batysynda, ońtústiginde soqqan jeldiń ekpini - 15-20 m/s.

Jambyl oblysynyń soltústiginde, ońtústiginde, taýly aýdandarynda kóktaıǵaq bolady. Oblystyń ońtústik-batysynda, soltústik-shyǵysynda, taýly aýdandarynda ońtústik-batystan soltústik-shyǵysqa oıysa soqqan jeldiń ekpini 15-20 m/s, túnde 23-28 m/s deıin jetedi. Tarazda tuman bolady. Ońtústik-batystan soltústik-shyǵysqa oıysa soqqan jeldiń túnde ekpini 15-20 m/s, keı tustarda 23 m/s deıin jetedi.

Jetisý oblysynyń taýly aýdandarda tuman bolady. Batystan jel soǵady, Alakól kólderi aýdanyndaǵy ekpini - 15-20 m/s.

Almaty oblysynyń ońtústiginde, taýly aýdandarynda tuman, qarly qatqaq, kóktaıǵaq bolady. Soltústik-shyǵystan jel soǵady, túnde oblystyń ońtústik-shyǵysynda soqqan jeldiń ekpini - 15-20 m/s.

Almatyda, Qonaevta tuman, kóktaıǵaq bolady dep boljanady.