Tuman, kóktaıǵaq, qatty jel: 8 qańtarǵa aýa raıy boljamy

<p>Qazgıdromet el aýmaǵynda 8 qańtarda bolatyn qaýipti meteorologııalyq qubylystarǵa boljam jasady, dep habarlaıdy <a href="https://kaz.inform.kz/news/batis-kazakstanda-zhol-apatinan-ush-adam-koz-zhumdi-20f7ff/Kazinform" target="_blank" rel="noopener">Kazinform</a>.</p>

Sınoptıkterdiń deregine qaraǵanda, burynǵysynsha QR aýmaǵynda atmosferalyq fronttardyń ótýimen aýa raıynyń turaqsyz sıpaty saqtalady.

«Jaýyn-shashyn jaýady, eldiń soltústiginde kóbinese qar burqasynmen, ońtústiginde, ońtústik-shyǵysynda negizinen jańbyr túrinde, soltústiginde, Aqmola oblysynyń ońtústiginde, túnde Qostanaı oblysynyń soltústiginde qalyń qar túsýi múmkin. QR boıynsha tuman, kóktaıǵaq, ekpindi jel kútiledi», — delingen aqparatta.

Abaı oblysynyń basym bóliginde ońtústik-shyǵystan soǵatyn jel ońtústik-batysqa aýysady, oblystyń batysynda, soltústiginde, ortalyǵynda keı ýaqyttarda kúshi 30 m/s jáne odan da joǵary jel soǵady dep kútilýde.

Kúndiz Jambyl oblysynda ońtústik-batystan jel soǵady, taýly aýdandarynda keı ýaqyttarda kúshi 30 m/s jáne odan da joǵary bolady.

Soltústik Qazaqstan oblysynda ońtústik-batystan, batystan jel soǵady, tańerteń jáne kúndiz oblystyń ońtústik-shyǵysynda kúshi 30 m/s jáne odan da joǵary bolady.

Aqmola oblysynda ońtústik-batystan jel soǵady, kúndiz oblystyń ońtústik-shyǵysynda keı ýaqyttarda kúshi 30 m/s jáne odan da joǵary dep boljanýda.