«Tulpar-Talgo» zaýyty aldaǵy bes jylda 600 vagon jasap shyǵarady
«Biz bir kelisimshartty japtyq. Ol 2012-2015 jyldarǵa arnalǵan jumys jospary bolatyn. Osy aralyqta bizdiń zaýytymyz 436 vagon óndirdi. 2015 jyly jańa kelisimge qol qoıyp, kýzovy keń vagondardy jasap jatyrmyz. 2023 jylǵa deıin osyndaı vagonnyń 603-in jasap shyǵarý josparda bar. Ótken jylmen birge eseptegende búgingi kúnge deıin 178 vagon shyǵarylyp qoıdy», - deıdi «Tulpar-Talgo» zaýytynyń dırektory Vladımır Kıselev Parlament Májilisiniń depýtattarynyń«Tulpar-Talgo» zaýytynyń jumysymen tanysýy barysynda.
Al 2018 jyly zaýyt jumysshylary 90 vagon óndirmek.
«Ótken jyly 62 vagon jasaldy. Osy jyly 91 vagondy óndirý kózdelýde. Jalpy, zaýytta 183 jumysshy eńbek etedi», - deıdi Kıselev.
Zaýyt basshysynyń aıtýyna qaraǵanda, jýyq arada seriktestiktiń tehnologııasy men óndirisine jańasha format engizý kózdelmegen.
«Biz ıspannyń «Talgo» óndiris tehnologııasymen jumys atqaryp jatyrmyz. Osy baǵyttan taımaq emespiz. Vagondar óziniń standarttary boıynsha sertıfıkatqa ıe», - deıdi ol.