Túlkibastyq ustazdar dınastııasy óz tańdaýyn jasady

TÚRKІSTAN. QazAqparat – Túlkibastyq Berdihanovtar áýleti búginge deıin elde ótken birde-bir saıası naýqannan tys qalmaı, el bolashaǵy úshin óz tańdaýlaryn jasap keledi. Olar búgin de otbasylyq dástúrdi úzgen joq, dep habarlaıdy QazAqparat tilshisi.

Berdihanovtar otbasynda 4 birdeı ustaz bar. Otaǵasy Qurmanǵazy aýylynyń mektebinde fızıka-matematıka páninen sabaq beredi. Jary Ǵazııa – fızıka pániniń muǵalimi. Uly Sultanǵazy matematıka, al kelini Araılym hımııa pánin oqytady.

Qurmanǵazy Berdihanovtyń aıtýynsha, ár qazaqstandyqtyń bul referendýmdaǵy tańdaýy – el bolashaǵy úshin mańyzdy qadam. Sebebi, kóptiń tańdaýyna qaraı eldiń erteńgi taǵdyry sheshilmek.

Jalpy, túlkibastyqtar kúnniń ystyǵyna qarmastan, refrendýmǵa belsendi qatysyp jatyr.

Aıta ketsek, Túrkistan oblysy Maqtaaral aýdanynyń 85 jastaǵy turǵyny Jandarbek Júsipov alǵashqylardyń biri bolyp daýys bergen edi.

Sondaı-aq, daýys berýshi arystyq turǵyn shashý shashsa , saryaǵashtyq zeınetkerge shapan jabyldy.

Al, ǵasyr jasaǵan Arys qalasynyń turǵyny Rysaldy Beısenbaeva nemerelerin erte keldi.