Túlkibastyq túlekter mektepke 63 dombyra syılady

TÚRKІSTAN. QazAqparat – Túlkibas aýdanynda «Mektebińe dombyra syıla» aktsııasy jalǵasyp jatyr. Estafeta osymen úshinshi mektepke joldandy, dep habarlaıdy QazAqparat tilshisi.

Atalǵan aktsııa QR Parlamenti Májilisiniń depýtaty Darhan Myńbaıdyń usynysymen bastaý alǵan. Aýdanǵa kelgen saparynda ustazdarmen kezdesken halyq qalaýlysy ulttyq aspapty ulyqtaý jóninde oı tastaıdy.

Ideıany qup kórgen Sastóbe aýylynyń A. Makarenko atyndaǵy mektebiniń túlekteri aktsııany alǵash bolyp ótkizedi. Olar bilim ordasyna 15 dombyra tartý etti.

Ulttyq aspapty urpaqqa nasıhattaý maqsatyndaǵy shara endi Turar Rysqulov aýylynyń Abaı atyndaǵy mektebinde jalǵasty. Osy mektepten ár jyldary túlep ushqan azamattar 63 dombyra syılady.

«Mektebimizdegi mýzyka pániniń ustazdary oqýshylarǵa dombyra úıretýdi qolǵa alyp jatyr. Ázirge 10-nan astam ónerpazdan turatyn shaǵyn tobymyz bar. Mektepishilik dombyra úıirmesine qatysatyn oqýshylar aldaǵy ýaqytta osy dombyralarmen óner kórsetip, baıqaýlarda top jarady dep senemin. Sondaı-aq, aspaptar mýzyka sabaǵynda qoldanylady», - deıdi Abaı mektebiniń dırektory Qarlyǵash Spabekova.

Al, estafetany Urbulaq orta mektebi qabyldap aldy.

Túrkistan oblysyndaǵy mektepke dombyra syılaý aktsııasy Naýryz merekesinde bastalǵan bolatyn.