Túlkibastyq sharýalar 2 myń tonna alma jınady

TÚRKІSTAN. QazAqparat – Túrkistan oblysy Túlkibas aýdanyndaǵy sharýa qojalyǵy 2200 tonna alma ónimin jınaǵan. «Jyldyń úzdik sharýa qojalyǵy» nomınatsııasyna laıyq dep tanylǵan qojalyq qara órikten 300 tonna ónim alǵan, dep habarlaıdy QazAqparat tilshisi.

Qojalyq tóraǵasy Beıbit Tóleshovtyń aıtýynsha, nátıjeli eńbektiń arqasynda bıyl mol ónimge qol jetkizgen. Kásibi órkendegen sharýashylyqtyń qaramaǵynda 260 gektar alma, 15 gektar qara órik baýy jáne 2000 tonna qys mezgilinde jemis-jıdek saqtaýǵa arnalǵan qoımasy bar. Ár gektarynan ónimdilik kórsetkishi - alma 146, al qara órik 200 tsentnerdi quraıdy. Qojalyqta alma baý kólemin ulǵaıtý maqsatynda aýqymdy jumystar atqarylýda. Máselen, bıylǵy jyly 15 gektarǵa qarqyndy baý otyrǵyzylǵan.

Kásipker búginde 35 adamdy turaqty jumyspen qamtysa, maýsym kezinde eńbekke 150 adamǵa deıin jumyldyrylady. Sonymen qatar, kásipker qaıyrymdylyq sharalarǵa belsendi atsalysyp keledi. Atap aıtsaq, jomart jan pandemııanyń ekinshi tolqynyna daıyndyq kezinde ortalyq aýrýhanaǵa eki dana jasandy tynys alý aparaty men baý-baqshasynyń bir kúndik terilgen 300 keli almasyn dárigerler men medbıkelerge taratqan.