Túlkibastyq memlekettik qyzmetkerlerge ádep kodeksiniń talaptary túsindirildi
Oblys ákimi apparatynyń Ádep jónindegi ýákili Ámirdın Álishev jergilikti atqarýshy organdardyń ókilderine qoǵamda belgilengen jalpy moraldyq ádeptilik normalaryn saqtaý men zańnama talaptaryn buzbaý qajettigin atap ótti, dep habarlaıdy QazAqparat tilshisi.
Túlkibas aýdanynyń ákimi Nurbol Turashbekovtyń tóraǵalyǵymen ótken semınar barysynda memlekettik qyzmetkerlerge qajetti maǵlumattar berildi. Sala mamandary qyzmetshilerdi halyqtyń memlekettik organdarǵa senimin nyǵaıtý men ózara qarym-qatynastyń joǵary mádenıetin qalyptastyrýǵa shaqyrdy. Ádepsiz minez-qulyq jaǵdaılarynyń aldyn alý maqsatynda memlekettik qyzmetshilerge qoıylar talaptardyń kúsheıgendi sóz boldy. Atap aıtqanda qyzmetkerlerdiń moraldyq bet beınesi men ádebine aıryqsha kóńil bólinip, onyń árbir aıtqan sózi men is-qımylyn halyqtyń jiti baqylaýynda ekeni aıtyldy. Olarǵa jumys barysynda da demalys kúnderi de, qonaqqa barǵanda da nemese tabıǵat aıasynda demalǵanda da ádeptilik saqtaý kerektigi eskertildi. Sebebi, buqara halyq olardan úlgi alyp, solarǵa qarap boı túzeıtini belgili.
«Memlekettik qyzmetshiniń, el aldyndaǵy adamnyń ishken-jegeni de, kıim kıgeni de ádeptiliktiń aýylynan uzamaǵany jón. Qalaı bolsa, solaı kıiný, kópshilik ortada ózin durys ustamaý da memlekettik qyzmetshige úlken syn bolmaq. Sondyqtan, memlekettik qyzmetshiler bul turǵyda úlken jaýapkershilik tanytyp, árdaıym ózine ózi esep berip otyrýy qajet. Ár memlekettik qyzmetshi atalǵan kodekste aıtylǵandardy basshylyqqa alǵany abzal. Memlekettik qyzmetshiler jumystan tys ýaqytta da qarapaıym bolýy, basshylardyń qaramaǵyndaǵy qyzmetshilermen jáne tómen turǵan laýazymdaǵy qyzmetshilerdiń basshylarmen ózara qarym-qatynasyna qoıylatyn talaptar aıqyndalǵan. ıAǵnı, olardyń ózara qarym-qatynas jasaýy iskerlik negizde júzege asyrylyp, ujymda áriptester bir-biriniń ar-namysy men abyroıyna zııan keltiretin aqparat taratpaýlary tıis delinse, basshy qol astyndaǵy qyzmetshiler úshin barlyq adamgershilik qasıetterdiń úlgisine aınalýy, olarǵa qatysty negizsiz aıyptaýlarǵa, dórekilik, qadir qasıetterin qorlaýǵa jol bermeýi jáne qyzmetten tys máselelerin sheshý kezinde óziniń qyzmettik jaǵdaıyn paıdalanbaýy tıis delingen»,- dedi jıynda oblys ákimi apparatynyń Ádep jónindegi ýákili Ámirdın Álishev.