Túlkibasta «Meniń týym – meniń Otanym» patrıottyq aktsııasy ótti

TÚLKІBAS. QazAqparat – Túrkistan oblysy Túlkibas aýdanynda «Meniń týym – meniń Otanym» atty patrıottyq aktsııasy ótti, dep habarlaıdy QazAqparat tilshisi.

Aýdandyq ishki saıasat bólimi uıymdastyrǵan sharaǵa aýdan ákiminiń orynbasary E.Kúzembaev pen aýdandyq «Nur Otan» partııasy fılıalynyń birinshi orynbasary A.Nuranov, aýdandyq ishki saıasat bóliminiń basshysy R.Altynbekov pen jastar qatysty.

Sharanyń ashylý saltanatynda sóz sóılegen aýdan ákiminiń orynbasary Erlan Baqytjanuly aktsııanyń mańyzyna toqtaldy.

«Búginde otandastarymyz elimizdiń Kók týy astynda erlik jasap, eńbek, ǵylymı, mádenı jáne sporttyq jetistikterge jetip júr. Biz ártúrli salada joǵary jetistikterimen elimizdiń Kók baıraǵyn kókte jelbiretip júrgen azamattarǵa alǵys aıtamyz», - dedi Erlan Kúzembaev.

Aıta keteıik, mundaı aktsııa elimizde «Nur Otan» partııasynyń bastamasymen qolǵa alynyp, árbir óńirde ótýde. Memlekettik rámizderdi nasıhattaý arqyly olarǵa qurmet kórsetý maqsatynda uıymdastyrylǵan shara azamattardyń týǵan eline degen patrıottyq sezimin oıatý, jastardy otansúıgishtikke baýlýǵa baǵyttalǵan.