Túlkibasta «Marhabat oqýlary» baıqaýynyń marapattaý rásimi ótti
Qazaqstan Respýblıkasy Táýelsizdiginiń 25 jyldyǵyna oraı 9 jeltoqsan kúni «Marhabat-Mıras» qoǵamdyq qorynyń, aýdandyq mádenıet jáne tilderdi damytý jónindegi bóliminiń, aýdandyq bilim bóliminiń uıymdastyrýymen aýdandyq mádenıet úıinde dástúrli «Marhabat oqýlary» baıqaýynyń marapattaý rásimi ótkizildi. «Marhabat oqýlary» aýdandyq baıqaýynyń maqsaty: jastardy shyǵarmashylyqqa baýlý, otansúıgishtikke, patrıottyq sezimderin qalyptastyrý, ulttyq dástúrge tárbıeleý, kórkem ádebıetke bet burýǵa baýlý.
Іs-sharaǵa oblystan arnaıy kelgen belgili aqyn jazýshylarymyz ben qoǵam qaıratkerleri qatysty. «Marhabat oqýlary» aýdandyq baıqaýynda Marhabat shyǵarmalarynan úzdik bolyp tanylǵan oqýshylarǵa «Qurmet gramotasy» men Marhabat Baıǵut aǵamyzdyń «Qozapaıa» estelik kitaby tabystaldy.
Іs-sharada «Oıy-tereń, shabyty-shalqar qalamger» atty taqyrypta kitap kórmesi uıymdastyryldy. Іs-sharaǵa aýdan ákimi Áýelhan Turǵymbekov qatysyp, merekemen quttyqtady. Marhabat Baıǵut 1945 jyly 25 mamyrda Ońtústik Qazaqstan oblysy, Túlkibas aýdanynyń Pisteli aýylynda dúnıege kelgen. QazMÝ-diń fılologııa fakýltetin bitirgen. Sibirde, Qıyr Shyǵysta ásker qatarynda bolǵan. Túlkibas aýdandyq «Shamshyraq» gazetinde, oblystyq «Ońtústik Qazaqstan» gazetinde kóp jyldar boıy ádebı qyzmetker, mádenıet, ádebıet jáne óner bóliminiń meńgerýshisi boldy.