Túlkibasta aýyl klýbtaryn jetildirý maqsatynda semınar-keńes ótti

TÚLKІBAS. QazAqparat – Túrkistan oblysy Túlkibas aýdanynda aýyldyq klýbtardyń jumysyn jetildirý maqsatynda semınar-keńes ótti. Oblystyq mádenıet basqarmasy men mádenıet jáne halyq shyǵarmashylyǵy ortalyǵy jáne Túlkibas aýdany ákimdiginiń mádenıet jáne tilderdi damytý bóliminiń uıymdastyrǵan basqosýda klýb mekemelerine ádistemelik kómek berý isin jetildirý máseleleri talqylandy, dep habarlaıdy QazAqparat tilshisi.

Semınar-keńeske Túrkistan oblysy aýmaǵyndaǵy qalalyq, aýdandyq, mádenıet qyzmetkerleri qatysyp, aýyl klýbyndaǵy problemalardy atap ótti. Atalǵan sharada oblys kólemindegi halyq shyǵarmashylyǵyn damytýda ınnovatsııalyq jobalar jasaý men ózara tájirıbe almasý jaıy sóz boldy. Mádenı tynyǵý, buqaralyq is-sharalardy ótkizý, mádenıet mekemeleriniń qoǵamdaǵy róli, «Rýhanı jańǵyrý» baǵdarlamasy aıasynda usynys-pikirler aıtyldy.

Shara barysynda kelgen qonaqtarǵa Túlkibas aýdany aýmaǵynda ornalasqan kıeli jerlerge ekskýrsııa uıymdastyrylyp, aýdandyq mádenıet úıiniń ónerpazdary kontsert qoıdy.

Semınarǵa qatysýshylar sondaı-aq, aýdanyndaǵy mádenıet salasyn damytý baǵytyndaǵy atqarylyp jatqan jumystarǵa joǵary baǵasyn berdi. Saıası qýǵyn-súrgin qurbandarynyń eskertkishine gúl shoǵyn qoıyp, qurmet kórsetti.