Túlkibasta 20 kópbalaly otbasy baspanaly boldy

TÚLKІBAS. QazAqparat - Búgin Túlkibas aýdanynda 20 kópbalaly otbasy baspanaly bolyp, qýanyshqa keneldi, dep habarlaıdy QazAqparat Túrkistan oblysy ákimdiginiń resmı saıtyna silteme jasap.

«Kópbalaly otbasylardy turǵyn-úımen qamtý» memlekettik baǵdarlamasy aıasynda turǵyn-úı kezeginde turǵan kópbalaly otbasylar jańa jylda qonys toıyn toılaǵaly otyr. Atalmysh baǵdarlama boıynsha atalǵan otbasylar jalpy quny 8 mln 400 myń teńgeni quraıtyn, aýmaǵy 60-100 sharshy metr aralyǵyndaǵy daıyn úımen qamtamasyz etildi.

Úı kiltin tabystaý rásimine aýdan ákiminiń orynbasary M.Janesen arnaıy qatysyp, otbasylardy jańa baspanalarymen quttyqtady.