Túlkibas aýdanynda «Úmit kerýeni» atty óner festıvali ótti

TÚLKІBAS. QazAqparat -Túrkistan oblysy, Túlkibas aýdandyq mádenıet úıinde erekshe qajettiligi bar azamattardy qoldaý maqsatynda «Úmit kerýeni» atty óner festıvali ótti. Atalǵan shara el Táýelsizdiginiń 30 jyldyǵy men qazaq poezııasynyń birtýar tulǵasy Muqaǵalı Maqataevtyń 90 jyldyǵyna oraı uıymdastyryldy, dep habarlaıdy QazAqparat tilshisi.

Merekelik is-sharaǵa áljýaz toptaǵy azamattar men aýdan turǵyndary qatysty.

Taǵdyrdyń synaǵyna tap bolsa da, jigeri muqalmaǵan jandar jurtshylyqty óz ónerlerimen tań qaldyrdy. Festıval nátıjesinde «Úzdik óleń oqý sheberi» atalymynda Baǵjan Bekmatov, «Úzdik án salý sheberi» atalymynda Ásel Amangeldi, «Úzdik qol óner sheberi» atalymy boıynsha Balzıra Kerimqulova jeńimpaz atandy. Al,

«Órlik» nomınatsııasymen úzdik dep tanylǵandar , demeýshiler tarapynan qarjylaı syılyqqa ıe boldy. Jıyn sońynda túlkibastyq Meıirhan Topanbaıdyń ázirbaıjan tilinen aýdarylǵan «Aqıqattan attamaıyq baýyrlar» atty kitaby aýdan jurshylyǵyna tanystyrylyp, jıynǵa kelgen qonaqtarǵa tartý etildi.