Túlkibas aýdanynda sýarmaly jerdiń kólemi ulǵaıyp keledi
Aýdan basshysynyń sózinshe, sý resýrstaryn paıdalanýdy retteý jáne qorǵaý jónindegi «Aral-Syrdarııa basseındik ınspektsııasy» mekemesinen 2018-2023 jyldar aralyǵyna 136,7 mln m3 aǵyn sýdy paıdalanýǵa ruqsat alynǵan. Budan bólek, aýdanda aýyl sharýashylyǵy salasy da qarqyndy damyp keledi. Ónim kólemi aǵymdaǵy jyldyń 10 aıynyń qorytyndysymen 29 892,2 mln teńgeni quraǵan.
«Bıylǵy 10 aıda 13 864,7 tonna et, 43 738,3 tonna sút, 14,5 mıllıon jumyrtqa óndirildi. Budan ózge, osy kezeńde 165 gektarǵa baý egý josparlansa, meje 156,4 paıyzǵa oryndalǵan. Sonymen qatar, jańǵaq 257,5 gektarǵa, tańqýraı 75 gektarǵa, 80,9 gektarǵa, júzim 10 gektarǵa egilgen», - dedi Nurbol Turashbekov.
Sonymen qatar, aýdanda «Sybaǵa» baǵdarlamasy boıynsha josparda 147 bas, «Qulan» baǵdarlamasy boıynsha 164 bas mal satyp alynǵan. «Altyn asyq» baǵdarlamasy boıynsha 450 bas mal alynyp, jospar 134,7 paıyzǵa oryndalǵan.
Aýdan basshysynyń málimetinshe, Túlkibasta 32 kásiporyn jumys atqarýda. Aǵymdaǵy jyldyń 10 aıynyń qorytyndysy boıynsha ónerkásip salasynda 18 775,5 mln teńgeniń ónimi óndirilgen. Al, bólshek saýda taýar aınalymy qorytyndysymen 5 799 mln teńgeni qurap, ótken jyldyń tıisti kezeńimen salystyrǵanda 5,1 paıyzǵa artqan.
«Túlkibas aýdanynda atqarylǵan jumystardyń nátıjesinde aǵymdaǵy jyldyń 10 aıynda jalpy óńirlik ónim 60 974,4 mln teńgeni quraǵan. Sondaı-aq, aýdanǵa tartylǵan ınvestıtsııalar kólemi 8 129,1 mln teńgege jetip otyr. Onyń ishinde 1 653,5 mln teńge - respýblıkalyq bıýdjet esebinen, 2 752,6 mln teńge - jergilikti bıýdjet esebinen, 3 722,7 mln teńge - kásiporyndardan jáne halyqtyń óz qarjysy esebinen salynǵan ınvestıtsııa. Osy jyldyń qorytyndysymen 13 mlrd teńge ınvestıtsııa tartý josparlanyp otyr», - dep málimdedi Nurbol Turashbekov.