Túlkibas aýdanyna jańa ákim taǵaıyndaldy - OQO

ShYMKENT. QazAqparat -  Ońtústik Qazaqstan oblysy Túlkibas aýdanyna jańadan ákim taǵaıyndaldy.  OQO əkimi Janseıit Túımebaev Túlkibas aýdanynyń əkimi bolyp taǵaıyndalǵan Nurbol Turashbekovty tanystyrdy, dep habarlaıdy QazAqparat HAA tilshisi. 

Nurbol Turashbekov kezinde Saıram aýdandyq kadastr bóliminiń basshysy bolǵan, Shymkentte jaýapty qyzmetterdi atqarǵan. Sońǵy jyldary Astanada "Azamattarǵa arnalǵan úkimet memlekettik korporatsııasy" AQ-da basqarma basshysy bolyp eńbek etken. Aımaq basshysy 37 jastaǵy jańa aýdan əkimine úlken jaýapkershilik júktelip otyrǵanyn atap ótti. 

Al buǵan deıin aýdan ákimi qyzmetin atqarǵan Áýelhan Turǵymbekov jýyrda oblys ákimdiginiń  Apparat basshysy qyzmetine aýysqan bolatyn.

Aıta keteıik,  Nurbol Ábdisattaruly Turashbekov 1980 jyly týǵan, qazaq, bilimi joǵary, mamandyǵy - ınjener-ekonomıst, ınjener-jerge ornalastyrýshy.

Eńbek jolyn 2001 jyly Ońtústik Qazaqstan oblysynyń Ordabasy aýdanynda «Ońtústik Qazaqstan jerge ornalastyrý ǵylymı-óńdiristik ortalyǵy» enshiles memlekettik kásipornynyń Ordabasy jer-kadastrlyq bıýrosynda jerge ornalastyrýshy retinde bastaǵan.

2002  jyly Ordabasy aýdandyq jer-kadastrlyq bıýrosynyń meńgerýshisi,  2009 jyly Saıram jer-kadastrlyq bıýrosynyń dırektory,  2010 jyly «Ońtústik Qazaqstan jerge ornalastyrý ǵylymı-óńdiristik ortalyǵy» enshiles memlekettik kásipornynyń  dırektory,  2012 jyly (Astana qalasy)  «Jerge ornalastyrý ǵylymı-óńdiristik ortalyǵy» respýblıkalyq memlekettik kásiporny bas dırektorynyń birinshi orynbasary qyzmetine taǵaıyndalǵan.

2016 jyldyń sáýir aıynan bastap «Azamattarǵa arnalǵan úkimet» memlekettik korporatsııasynyń «Jer kadastry ǵylymı-óndiristik ortalyǵy» dırektsııasy dırektorynyń orynbasary, «Jer kadastry jáne jyljymaıtyn múlikti tehnıkalyq tekserý» dırektsııasy Memlekettik jer kadastry basqarmasynyń basshysy  laýazymyn atqardy.