Túlekterdiń neshe paıyzy óz mamandyǵymen jumys isteıdi – zertteý
«Túlekterdiń bári birdeı oqyǵan mamandyǵy boıynsha jumys istemeıdi. Mysaly densaýlyq saqtaý salasy boıynsha oqý bitirgen túlekterdiń 69 paıyzy, pedagogıka salasy túlekteriniń 59,5 paıyzy, qala qurylysy salasy túlekteriniń 30,6 paıyzy jáne aýyl sharýashylyǵy salasy túlekteriniń 19,4 paıyzy ǵana óz mamandyǵy boıynsha jumys istep jatqanyn habarlaımyz», - dedi «Atameken» ulttyq kásipkerler palatasynyń basqarýshy dırektory Azamat Beısenbenov Ortalyq kommýnıkatsııalar qyzmetinde ótken baspasóz máslıhatynda.
Qalǵan túlekter dıplom boıynsha emes, basqa salalardy qyzmet etedi nemese múlde jumys istemeıdi.
«Talapkerler mektep bitirip, ýnıversıtet pen bolashaq kásibin tańdaǵanda, eń aldymen ózine unaıtyn, qabiletine sáıkes keletin mamandyqty tańdaýy qajet. Biraq, joǵary báseke zamanynda tańdaǵan mamandyǵy boıynsha jumysqa ornalasý máselesi barlyǵyn oılandyrady. Sol sebepti, biz barlyq talapkerlerdiń tańdaýyn jeńildetý úshin osy reıtıngti jyl saıyn kómekshi qural retinde daıyndaımyz», - deıdi A. Beısenbenov.
Aıta keteıik, QR Ǵylym jáne Joǵary bilim mınıstrligi eldegi JOO-lardyń 2022 jylǵy reıtıngin jarııalady.
Bul reıtıngke sáıkes, jumys berýshiler otandyq bilimge 67% qanaǵattanady.
2022 jyly JOO túlekteriniń 67% turaqty jumyspen qamtylǵan.
Qazaqstanda JOO jańa bitirgen jas maman orta eseppen 155 621 teńge jalaqy alady.